PM Modi’s Big Statement on Operation Sindoor: دنیا نے دیکھ لیا کہ جب سندور بارود بن جاتا ہے توکیا ہوتا ہے،ہم نے پاکستان کو گھٹنے ٹیکنے پر مجبور کردیا:پی ایم مودی

وزیر اعظم نریندر مودی نے بیکانیر میں ایک بار پھر دہشت گردی پر سخت حملہ کیا۔ ان کا کہنا تھا کہ دہشت گردوں نے ہماری بہنوں کا مذہب پوچھ کر ان کے سندور اجاڑ دیئے تھے ،لیکن وہ گولیاں جوپہلگام میں چلائی گئیں، ان گولیوں نے 140 کروڑ ہم وطنوں کے سینے کو چھلنی کردیا تھا۔ اس کے بعد ہم نے متحد ہو کر عزم کیا کہ ہم دہشت گردوں کا صفایا کریں گے۔ ہم انہیں اتنی بڑی سزا دیں گے جس کا وہ تصور بھی نہیں کر سکتے۔ آج آپ کی مہربانیوں اور ملکی فوج کی بہادری سے ہم اپنے عزم پر کھڑے اترے ہیں۔

پی ایم مودی نے کہا کہ ہماری حکومت نے فوج کو فری ہینڈ دیا اور تینوں فوجوں نے مل کر ایسا چکرویہ بنایا کہ پاکستان گھٹنے ٹیکنے پر مجبور ہوگیا۔ 22 کو ہونے والے حملے کے جواب میں ہم نے 22 منٹ میں دہشت گردوں کے نو بڑے ٹھکانے تباہ کر دیئے۔پی ایم نے کہا کہ جو لوگ سندور پونچھنے نکلے تھے وہ خاک میں مل گئے۔ وہ لوگ جو سمجھتے تھے کہ بھارت خاموش رہے گا، جن کو اپنے ہتھیاروں پر فخر تھا، وہ آج ملبے کے ڈھیر تلے دب گئے ہیں۔ میرے پیارے ہم وطنو، یہ جانچ اور انتقام کا کھیل نہیں ہے، یہ انصاف کی نئی شکل ہے۔ یہ آپریشن سندور ہے۔ یہ صرف غصہ نہیں ہے۔آج دنیا نے دیکھ لیا کہ جب سندور بارود بن جاتا ہے تو انجام کیا ہوتا ہے۔

بھارت ایکسپریس۔