PM Modi Wishes Jyotiraditya Scindia on 55th Birthday: وزیراعظم مودی اور دیگر لیڈروں نے جیوتیرادتیہ سندھیا کو سالگرہ پر  پیش کی دلی مبارکباد،پی ایم نے شمال مشرقی بھارت میں ترقیاتی کاموں کو سراہا

وزیراعظم نریندر مودی نے جمعرات کو مرکزی وزیر جیوتیرادتیہ سندھیا کو ان کی سالگرہ پر دلی مبارکباد پیش کی۔ اس موقع پر انہوں نے ٹیلی کام شعبے میں اصلاحات اور شمال مشرقی بھارت میں عوام کی زندگی بہتر بنانے کے لیے کیے گئے سندھیا کے اقدامات کی تعریف کی۔وزیراعظم مودی نے سوشل میڈیا پلیٹ فارم ایکس پر لکھا کہ مرکزی وزیر جیوتیرادتیہ سندھیا کو سالگرہ کی مبارکباد۔ وہ ٹیلی کام سیکٹر کو بہتر بنانے کے لیے بڑے پیمانے پر کام کر رہے ہیں اور شمال مشرقی بھارت میں لوگوں کی زندگی سنوارنے کی ان کی کوششیں بھی قابلِ ستائش ہیں۔ انہوں نے
جیوتیرادتیہ سندھیا کی درازیٔ عمر اور اچھی صحت کے لیے نیک خواہشات کا اظہار کیا۔

اس کے جواب میں جیوتیرادتیہ سندھیا نے وزیراعظم کا شکریہ ادا کرتے ہوئے کہا کہ وہ وزیراعظم مودی کی قیادت اور عوامی خدمت کے جذبے سے متاثر ہو کر ترقی یافتہ بھارت کے مشترکہ وژن کے لیے پوری طرح پُرعزم ہیں۔مرکزی وزیرداخلہ امت شاہ نے بھی سندھیا کو سالگرہ کی مبارکباد دی اور کہا کہ وزیراعظم مودی کی قیادت میں وہ ملک کے مواصلاتی شعبے کو مضبوط بنانے اور شمال مشرقی بھارت میں ترقی و اعتماد کو فروغ دینے کے لیے قابلِ قدر خدمات انجام دے رہے ہیں۔وزیردفاع راج ناتھ سنگھ نے بھی اپنے پیغام میں کہا کہ جیوتیرادتیہ سندھیا نے ٹیلی
کام شعبے میں اصلاحات کو آگے بڑھانے اور شمال مشرقی خطے میں ترقی و خوشحالی کے لیے اہم کام کیا ہے، اور انہوں نے ان کی صحت مند اور طویل زندگی کی پراتھنا کی۔

لوک سبھا کے اسپیکر اوم برلا نے بھی مرکزی وزیر مواصلات اور شمال مشرقی خطہ جاتی ترقی کے وزیر جیوتیرادتیہ سندھیا کو سالگرہ پر مبارکباد دیتے ہوئے ان کے اچھے صحت مند اور کامیاب مستقبل کی خواہش ظاہر کی۔واضح رہے کہ جیوتیرادتیہ سندھیا یکم جنوری 1971 کو ممبئی میں پیدا ہوئے۔ وہ آنجہانی مادھوراؤ سندھیا اور مادھوی راجے سندھیا کے صاحبزادے ہیں اور گوالیار ریاست کے آخری حکمراں جیوا جی راؤ سندھیا کے پوتے ہیں۔

بھارت ایکسپریس اردو