PM Modi Wishes Chirag Paswan: یوم پیدائش پر پی ایم مودی اورامت شاہ کی چراغ پاسوان کو مبارکباد، فوڈ پروسیسنگ کے شعبے میں خدمات کو سراہا

وزیر اعظم نریندر مودی نے ہفتہ کے روز مرکزی وزیر اور لوک جن شکتی پارٹی (رام ولاس) کے صدر چراغ پاسوان کو یوم پیدائش کی مبارکباد دی۔ اس موقع پر انہوں نے فوڈ پروسیسنگ کے شعبے کو مضبوط بنانے کے لیے پاسوان کی کوششوں کو سراہتے ہوئے کہا کہ ان کی خدمات کسانوں کو فائدہ پہنچانے اور ہندوستان کو خود کفیل بنانے میں معاون ثابت ہوں گی۔ وزیر اعظم مودی نے سوشل میڈیا پلیٹ فارم ایکس پر ایک پیغام میں چراغ پاسوان کو یوم پیدائش کی مبارکباد دیتے ہوئے ان کی طویل اور صحت مند زندگی کی کامنا کی۔

پی ایم مودی نے لکھا، ’’مرکزی کابینہ کے وزیر شری چراغ پاسوان جی کو یوم پیدائش کی دلی مبارکباد۔ وہ فوڈ پروسیسنگ کے شعبے کو مضبوط بنانے کے لیے قابل ستائش کوششیں کر رہے ہیں۔ ان کی یہ کوششیں خود کفیل ہندوستان کی تعمیر میں اہم کردار ادا کریں گی اور ہمارے کسانوں کو بھی فائدہ پہنچائیں گی۔ ان کی طویل اور صحت مند زندگی کے لیے دعا گو ہوں۔‘‘

Birthday wishes to Union Cabinet Minister Shri Chirag Paswan Ji. He is making commendable efforts to strengthen the food processing sector, which will go a long way in building a self-reliant India and also ensure benefits for our farmers. Praying for his long and healthy life.

@iChiragPaswan

— Narendra Modi (@narendramodi) October 31, 2026

امت شاہ نے بھی دی مبارکباد

مرکزی وزیر داخلہ امت شاہ نے بھی چراغ پاسوان کو یوم پیدائش کی مبارکباد دی۔ انہوں نے وزیر اعظم نریندر مودی کی قیادت میں غذائی تحفظ اور فوڈ پروسیسنگ کے شعبے میں پاسوان کے تعاون کو سراہا۔ امت شاہ نے ایکس پر اپنے پیغام میں لکھا، ’’مرکزی وزیر شری چراغ پاسوان کو یوم پیدائش کی دلی مبارکباد۔ مودی جی کی قیادت میں آپ غذائی تحفظ اور فوڈ پروسیسنگ کی سمت میں قابل ستائش کام کر رہے ہیں۔ میں خدا سے آپ کی اچھی صحت اور طویل عمر کی دعا کرتا ہوں۔‘‘

پٹنہ میں کارکنوں اور حامیوں کے ساتھ منایا جشن

دوسری جانب چراغ پاسوان نے بہار کے پٹنہ میں پارٹی کارکنوں اور حامیوں کے ساتھ اپنی یوم پیدائش منائی۔ اس موقع پر انہوں نے کیک کاٹا اور مبارکباد دینے کے لیے جمع ہونے والے لوگوں کا شکریہ ادا کیا۔ اپنے آنجہانی والد رام ولاس پاسوان کو یاد کرتے ہوئے مرکزی وزیر نے مشکل وقت میں ساتھ دینے کے لیے اپنی والدہ کا شکریہ ادا کیا۔ انہوں نے پارٹی کو مضبوط بنانے میں کارکنوں اور رہنماؤں کے کردار کو بھی سراہا۔ چراغ پاسوان نے کہا، ’’میں اپنے خاندان، پارٹی کے ہر کارکن اور ہر رہنما کا شکریہ ادا کرتا ہوں، جنہوں نے پارٹی کو آج کے مقام تک پہنچانے کے لیے دن رات محنت کی۔‘‘

بھارت ایکسپریس اردو۔