وزیر اعظم مودی۔ فائل فوٹو
نئی دہلی: وزیر اعظم نریندر مودی فرانس کا دو روزہ دورہ مکمل کرنے کے بعد 15 جولائی کو ابوظہبی جائیں گے جہاں وہ متحدہ عرب امارات (یو اے ای) کے صدر اور ابوظہبی کے حکمراں شیخ محمد بن زید النہیان سے ملاقات کریں گے۔ اس دوران پی ایم مودی اور محمد بن زید دوطرفہ تعلقات کو آگے بڑھانے کے لیے توانائی، فوڈ سیکورٹی، دفاع سمیت مختلف شعبوں پر بات چیت کریں گے۔ وزارت خارجہ کے بیان کے مطابق وزیر اعظم نریندر مودی 13-14 جولائی کو فرانس کے دورے پر جا رہے ہیں۔ فرانس کا دورہ مکمل کرنے کے بعد وزیر اعظم مودی ابوظہبی جائیں گے۔
یو اے ای کو جی۔20 میں خصوصی دعوت
بیان میں کہا گیا، “ہندوستان-یو اے ای جامع اسٹریٹجک پارٹنرشپ مضبوط ہو رہی ہے اور وزیر اعظم کا دورہ توانائی، تعلیم، ہیلتھ سیکٹر، فوڈ سیکورٹی، فنٹیک، دفاع اور ثقافت سمیت مختلف شعبوں میں اسے مزید گہرا کرنے کے طریقے تلاش کرنے کی کوشش کرے گی۔” بیان میں کہا گیا ہے کہ وزیر اعظم مودی کا دورہ دونوں فریقوں کو عالمی مسائل پر تعاون پر بات چیت کرنے کا موقع فراہم کرے گا، جو خاص طور پر سی او پی۔28 کی متحدہ عرب امارات کی صدارت اور جی۔20 کی ہندوستان کی صدارت کے تناظر میں اہم ہے۔ متحدہ عرب امارات کو جی۔20 سربراہی اجلاس میں خصوصی دعوت دی گئی ہے۔
باسٹیل ڈے کی تقریبات میں مہمان خصوصی ہوں گے پی ایم
بتا دیں کہ وزیر اعظم نریندر مودی 13-14 جولائی کو فرانس کے دورے پر جا رہے ہیں۔ وزیر اعظم کا یہ دورہ فرانس کے صدر ایمانوئل میکرون کی دعوت پر ہو رہا ہے۔ پی ایم مودی 14 جولائی کو فرانس میں باسٹیل ڈے کی تقریبات میں مہمان خصوصی ہوں گے۔ اس میں ہندوستانی فوج کے تینوں ونگز کا دستہ بھی حصہ لے رہا ہے۔
پی ایم کے لیے نجی عشائیہ کا ہوگا انتظام
وزارت خارجہ کے مطابق صدر میکرون وزیراعظم کے اعزاز میں سرکاری ضیافت کا اہتمام کریں گے اور ایک نجی عشائیہ کا بھی انتظام کریں گے۔ دونوں لیڈران کے درمیان مختلف موضوعات پر تفصیلی بات چیت ہوگی۔ بیان میں کہا گیا ہے کہ ’’وزیر اعظم مودی کا فرانس کے وزیر اعظم اور وہاں کے سینیٹ اور قومی اسمبلی کے صدور سے بھی ملاقات کا پروگرام ہے۔‘‘ وزیر اعظم مودی الگ سے فرانس میں ہندوستانی کمیونٹی کے لوگوں، ہندوستانی اور فرانسیسی کمپنیوں کے سی ای اوز اور فرانسیسی معززین سے بھی بات چیت کریں گے۔ وزارت خارجہ کے مطابق وزیر اعظم کا یہ دورہ اسٹریٹجک، سائنسی، علمی اور اقتصادی تعاون جیسے متنوع شعبوں میں مستقبل کے تعاون کو تلاش کرنے کا موقع فراہم کرے گا۔
یہ بھی پڑھیں: عمران خان کی بہن کے خلاف معاملہ درج، یہاں جانئے 6 ارب ڈالر کی زمین سے متعلق وائرل پیغام کی حقیقت!
بھارت ایکسپریس۔
طالبان نے کئی سخت قوانین نافذ کیے ہیں اور سو سے زائد ایسے احکام منظور…
اداکارہ نینتارہ نے سوشل میڈیا پر لکھے گئے خط میں انکشاف کیا ہے کہ اداکار…
بہوجن وکاس اگھاڑی کے ایم ایل اے کشتیج ٹھاکر نے ونود تاوڑے پر لوگوں میں…
نارائن رانے کا یہ بیان ایسے وقت میں آیا ہے، جب مہاراشٹر حکومت الیکشن کے…
تفتیش کے دوران گل نے یہ بھی انکشاف کیا کہ اس نے بابا صدیقی کے…
وزیر اعظم نریندر مودی نے اپنے غیر ملکی دوروں کا استعمال احتیاط سے منتخب تحائف…