PM Modi spoke to CM Dhami over cloudburst: پی ایم مودی نے اترکاشی کے دھرالی میں آئی قدرتی تباہی پر سی ایم دھامی سے کی بات، حالات کی لی جانکاری

وزیر اعظم نریندر مودی نے اترکاشی کے دھرالی میں بادل پھٹنے اور لینڈ سلائیڈنگ کے واقعہ کے بارے میں وزیر اعلی پشکر سنگھ دھامی سے فون پر بات کی ہے۔ پی ایم مودی نے سوشل میڈیا پر پوسٹ کیا ہے کہ میں نے وزیراعلیٰ پشکر دھامی سے بات کرکے صورتحال دریافت کی ہے۔ ریاستی حکومت کی نگرانی میں راحت اور بچاؤ ٹیمیں ہر ممکن کوشش کر رہی ہیں۔ اس کے ساتھ ہی انہوں نے اس واقعہ پر دکھ کا اظہار بھی کیا ہے۔پی ایم نے ٹویٹ میں کہا ہے کہ میں اترکاشی کے دھرالی میں اس سانحہ سے متاثرہ لوگوں کے تئیں تعزیت کا اظہار کرتا ہوں۔ اس کے ساتھ میں تمام متاثرین کے لیے نیک تمناؤں کا اظہار کرتا ہوں۔ میں نے وزیر اعلیٰ پشکر دھامی جی سے بات کر کے حالات کے بارے میں دریافت کیا ہے۔ ریاستی حکومت کی نگرانی میں راحت اور بچاؤ ٹیمیں ہر ممکن کوشش کر رہی ہیں۔ عوام کو مدد فراہم کرنے میں کوئی کسر نہیں چھوڑی جا رہی۔

ضلعی انتظامیہ نے ہیلپ لائن نمبر جاری کیا

اترکاشی ضلع انتظامیہ کی طرف سے بادل پھٹنے اور اس کے نتیجے میں لینڈ سلائیڈنگ کے واقعہ کے حوالے سے ہیلپ لائن نمبر جاری کیے گئے ہیں۔ ضلعی انتظامیہ نے کہا ہے کہ اس نمبر کے ذریعے کوئی بھی بات کر سکتا ہے اور اپنے پیاروں کے بارے میں معلومات حاصل کر سکتا ہے۔ یہ نمبرز 01374-222126، 222722، 9456556431 ہیں۔

بادل پھٹنے اور لینڈ سلائیڈنگ کے واقعے کے فوری بعد فوج کی ٹیموں نے امدادی کارروائیاں شروع کردی ہیں۔ اس کے علاوہ این ڈی آر ایف اور ایس ڈی آر ایف کی ٹیمیں بھی راحت اور بچاؤ کے کاموں میں لگی ہوئی ہیں۔ فوج کے تقریباً 150 اہلکار لوگوں کو بچانے میں مصروف ہیں۔ اس کے ساتھ ساتھ آس پاس کے اضلاع میں موجود اضافی این ڈی آر ایف ٹیموں کو بھی موقع پر بھیجا جا رہا ہے۔اترکاشی انتظامیہ نے کہا ہے کہ دھرالی کے قریب سکھی ٹاپ میں بادل پھٹ گیا ہے۔ تاہم انتظامیہ نے ابھی تک اس سے متعلق زیادہ معلومات شیئر نہیں کی ہیں۔

بھارت ایکسپریس۔