وزیر اعظم نریندر مودی نے مہارانا پرتاپ کی جینتی کے موقع پر انھیں یاد کرتے ہوئے خراج عقیدت پیش کیا ہے۔ سوشل میڈیا پلیٹ فارم ’’ایکس‘‘ پر اپنے جذبات کا اظہار کرتے ہوئے وزیر اعظم مودی نے مہارانا پرتاپ کی بہادری اور حب الوطنی کو سلام پیش کیا۔ انھوں نے کہا کہ مہارانا پرتاپ کی بہادرانہ زندگی آج بھی ہم وطنوں کے لیے مثالی اور مشعلِ راہ ہے۔
’ایکس‘ پر پوسٹ کرتے ہوئے وزیر اعظم مودی نے لکھا ’’ملک کے لافانی جنگ جو مہارانا پرتاپ کو ان کی جینتی پر خراج عقیدت۔ مادر وطن کی عزت نفس کی حفاظت کے لیے انھوں نے جس جرات اور بہادری کا مظاہرہ کیا وہ آج بھی ہمارے بہادروں کے لیے مشعل راہ ہے۔ مادر وطن کے لیے وقف ان کی بہادرانہ زندگی ہمیشہ ہم وطنوں کو متاثر کرتی رہے گی۔‘‘
سینئر بی جے پی لیڈران نے بھی پیش کیا خراج عقیدت
دریں اثنا بی جے پی کے سینئر لیڈران نے بھی مہارانا پرتاپ کی جینتی پر انھیں خراج عقیدت پیش کیا ہے۔ راجستھان کے وزیر اعلی بھجن لال شرما نے مہارانا پرتاپ کو ’’ہندوستانی عزت نفس کی طاقتور گرج‘‘ اور ’’ویر شرومنی‘‘ قرار دیتے انھیں قربانی اور حب الوطنی کی علامت کہا۔ اترپردیش کے وزیر اعلیٰ یوگی آدتیہ ناتھ نے بھی مہارانا پرتاپ کو ’’آزادی کی ابدی آواز‘‘ اور ’’قربانی کا روشن پرچم‘‘ قرار دیتے ہوئے دلی خراج عقیدت پیش کیا۔ وہیں مرکزی وزیر دفاع راج ناتھ سنگھ نے مہارانا پرتاپ کی بہادری کو مثالی قرار دیا۔ انھوں نے کہا کہ وہ آزادی پسندوں کے لیے مزاحمت کی علامت بن گئے تھے اور یہاں تک کہ ویتنام کی جنگ میں امریکہ کے خلاف جدوجہد کے دوران ویتنام کے لوگوں کو بھی متاثر کیا تھا۔
بہادری اور قربانی کی علامت: مہارانا پرتاپ
واضح رہے کہ مہارانا پرتاپ 9 مئی 1540 کو پیدا ہوئے اور وہ موجودہ راجستھان میں میواڑ کی سلطنت پر حکومت کرتے تھے۔ انھیں مغل بادشاہ اکبر کے خلاف اپنی بہادرانہ مزاحمت کے لیے یاد کیا جاتا ہے، خاص طور پر 1576 میں ہلدی گھاٹی کی لڑائی کے دوران۔ پورا ملک آج ان کی جینتی منا رہا ہے اور سیاسی لیڈران سے لے کر عوام تک سب انھیں یاد کرتے ہوئے انھیں خراج عقیدت پیش کر رہے ہیں۔
بھارت ایکسپریس اردو
اکاسا ایئر نے بتایا کہ پروازیں منسوخ ہونے سے متاثرہ مسافر مکمل رقم واپسی کا…
مرکزی وزیر مملکت برائے کھیل رکشا کھڈسے نے اس تاریخی پروگرام کی ستائش کرتے ہوئے…
وائٹ ہاؤس کے مطابق میلانیا ٹرمپ اور ان کے نمائندے نے جنگ بندی کی شرائط…
مولانا ارشد مدنی نے کہا کہ جن مساجد کو آج نقصان پہنچایا جا رہا ہے…
ایمرجنگ سائنس، ٹیکنالوجی اینڈ انوویشن کانکلیو سے خطاب کرتے ہوئے وزیراعظم نے کہا کہ ہندوستانی…
یونیورسٹی کے مطابق، طلبا نے انتظامیہ کے خلاف اپنے مبینہ ہتک آمیزبیانات پرعوامی طورپرمعافی مانگنے…