Kargil Vijay Diwas 2024: وزیر اعظم مودی نے دراس میں کارگل جنگ کے ہیروز کو پیش کیا خراج عقیدت ، فوجیوں کے جذبے کو کیا سلام

وزیر اعظم نریندر مودی کا کارگل جنگ کی یادگار پر پہنچ کر شہیدوں کو خراج عقیدت پیش کرنے کا ویڈیو منظر عام پر آیا ہے۔ اس میں وزیر اعظم کو ہاتھ جوڑ کر وار میموریل کی طرف بڑھتے ہوئے دیکھا جا سکتا ہے۔ ان کے ساتھ فوجی افسران بھی نظر آرہے ہیں۔ وہ پھول چڑھا کر خراج تحسین پیش کرتے نظر آرہے ہیں اور پھر اہلکاروں کے ساتھ آگے بڑھتے ہیں ۔ یہاں ان بہادر سپاہیوں کے بارے میں بتایا گیا ہے جنہوں نے مادر وطن کے دفاع میں اپنی جانوں کا نذرانہ پیش کیا۔

کارگل وجے دیوس کے موقع پر وزیر اعظم نریندر مودی نے پھول چڑھائے اور 1999 کی جنگ میں شہید ہونے والے فوجیوں کو خراج عقیدت پیش کیا۔ اس موقع پر پی ایم مودی کی کچھ تصویریں منظر عام پر آئی ہیں، جن میں وہ کالے سوٹ میں نظر آ رہے ہیں۔ انہوں نے عینک بھی پہن رکھی ہے۔

وزیر اعظم نریندر مودی جمعہ (26 جولائی) کو کارگل وجے دیوس کے موقع پر دراس پہنچے۔ یہاں انہوں نے کارگل وار میموریل کا دورہ کیا اور 1999 کی جنگ میں شہید ہونے والے فوجیوں کو خراج عقیدت پیش کیا۔

بھارت ایکسپریس۔