PM Modi Said on NITI Aayog: وزیراعظم مودی نے کہا نیتی آیوگ ملک کے پالیسی سازی کے نظام کا بن کر ابھرا ایک اہم ستون

وزیراعظم مودی نے ڈاکٹر اشوک کمار لاہڑی کو نائب صدر بننے پر مبارکباد دیتے ہوئے دیگر کل وقتی اراکین کو بھی مبارکباد دی۔ انہوں نے کہا کہ یہ ادارہ مختلف شعبوں میں اختراع اور طویل مدتی حکمت عملی بنانے کے لیے ایک متحرک پلیٹ فارم کے طور پر کام کر رہا ہے۔

حکومت نے نیتی آیوگ کی تنظیمِ نو کی

وزیراعظم نے سوشل میڈیا پلیٹ فارم ایکس پر ایک پوسٹ میں لکھا کہ حکومت نے نیتی آیوگ کی تنظیمِ نو کی ہے۔ انہوں نے اشوک کمار لاہڑی کو نائب صدر بننے پر نیک خواہشات کا اظہار کیا اور ساتھ ہی راجیو گوبا، پروفیسر کے وی راجو، پروفیسر گوبردھن داس، پروفیسر ابھیے کرندی کر اور ڈاکٹر ایم سری نواس کو کل وقتی رکن بننے پر مبارکباد دی۔انہوں نے سبھی کے لیے نیک تمناؤں کا اظہار کرتے ہوئے کہا کہ وہ مؤثر اور نتیجہ خیز مدت پوری کریں۔

وزیراعظم مودی نے لاہڑی سے ملاقات کی

وزیراعظم مودی نے لاہڑی سے ملاقات بھی کی اور انہیں نائب صدر بننے پر مبارکباد دی۔انہوں نے کہا کہ معاشیات اور عوامی پالیسی میں لاہڑی کا تجربہ بھارت میں اصلاحات کو مزید مضبوط کرے گا اور ’وکست بھارت‘ کے ہدف کو حاصل کرنے میں مدد دے گا۔وزیراعظم نے اعتماد ظاہر کیا کہ ان کی کوششیں ملک کے پالیسی سازی کے عمل کو مزید متحرک بنائیں گی۔اشوک کمار لاہڑی، جو مغربی بنگال اسمبلی میں بالورگھاٹ کی نمائندگی کرتے ہیں، معاشیات کے شعبے میں طویل تجربہ رکھتے ہیں۔وہ حکومت ہند کے 12ویں چیف اکنامک ایڈوائزر رہ چکے ہیں اور دہلی اسکول آف اکنامکس، ایشیائی ترقیاتی بینک، بندھن بینک اور نیشنل انسٹی ٹیوٹ آف پبلک فنانس اینڈ پالیسی جیسے اداروں میں کام کر چکے ہیں۔اس کے علاوہ انہیں عالمی بینک اور بین الاقوامی مالیاتی فنڈ کے ساتھ کام کرنے کا بھی تجربہ حاصل ہے۔کولکاتا کی پریزیڈنسی یونیورسٹی کے سابق طالب علم لاہڑی کو ان کی تعلیمی اور پالیسی سے متعلق خدمات کے لیے کافی عزت دی جاتی ہے۔

بھارت ایکسپریس اردو۔