پی ایم مودی نے یوم آزادی پر ہم وطنوں کو دی مبارکباد، لال قلعہ پر لہرائیں گے ترنگا
Independence Day 2024: بھارت میں، جشن آزادی یعنی 78 واں یوم آزادی جمعرات (15 اگست) کو منایا جا رہا ہے۔ وزیر اعظم نریندر مودی نے 15 اگست 2024 کو صبح 7.30 بجے تاریخی لال قلعہ کی فصیل سے قومی پرچم لہرایا اور قوم سے خطاب کیا۔ یہ ان کا قوم سے لگاتار 11 واں خطاب ہے اور مسلسل تیسری بار اقتدار میں آنے کے بعد ان کا پہلا خطاب ہے۔
یوم آزادی کی تقریبات کے پیش نظر دہلی میں سیکورٹی کے سخت انتظامات کیے گئے ہیں۔ دہلی میں پیر (12 اگست 2024) سے ٹریفک پابندیاں عائد کر دی گئی ہیں۔ اس کے تحت دہلی کے سرحدی علاقوں میں راستوں کو تبدیل کر دیا گیا ہے اور بھاری گاڑیوں کے شہر میں داخلے پر پابندی لگا دی گئی ہے۔ دہلی میٹرو ریل کارپوریشن (DMRC) 15اگست کو صبح 4 بجے ٹرمینل اسٹیشن سے اپنی تمام لائنوں پر ٹرین آپریشن شروع کرے گی۔
لال قلعہ پر منعقد ہونے والی 78ویں یوم آزادی کی تقریبات میں پنچایتی راج اداروں کی تقریباً 400 خواتین نمائندوں کو بطور مہمان خصوصی مدعو کیا گیا ہے۔ دیہی ترقی کی وزارت کے حکام کے مطابق تقریباً 45 ‘لکھپتی دیدی’ اور تقریباً 30 ‘ڈرون دیدی’ کو بھی یوم آزادی کی تقریبات میں شرکت کے لیے خصوصی مہمانوں کے طور پر مدعو کیا گیا ہے۔
یوم آزادی کے موقع پر شارٹ رینج کے ہتھیاروں سے فائرنگ کی مشق کے لیے ملک کے دارالحکومت کے مختلف اسٹریٹیجک مقامات پر کل 681 پولیس اہلکار تعینات کیے گئے۔ اس سال یوم آزادی کا تھیم ’’ترقی یافتہ ہندوستان @2047‘‘ رکھا گیا ہے۔ وزیر اعظم نریندر مودی نے پھول نچھاور کرنے کے بعد قوم سے خطاب کیا۔ تقریب میں ملک بھر کے مختلف اسکولوں کے کل 2000 لڑکے اور لڑکیاں (آرمی، نیوی اور ایئر فورس) کے کیڈٹس شرکت کر رہے ہیں۔
یہ بھی پڑھیں- Delhi borders sealed before Independence Day: یوم آزادی سے قبل دہلی کی سرحدیں کی گئیں سیل، چپے چپے پر سیکورٹی فورسز تعینات
پیرس اولمپکس 2024 میں حصہ لینے والے ہندوستانی کھلاڑیوں کو بھی اس بار یوم آزادی کے موقع پر بطور مہمان مدعو کیا گیا ہے۔ مرکزی حکومت نے 15 اگست 2024 کو مرکزی اور ریاستی فورسز کے 1,037 پولیس اہلکاروں کے لیے سروس میڈلز کا اعلان کیا ہے۔ مرکزی وزارت داخلہ کے جاری کردہ ایک بیان کے مطابق، 214 اہلکاروں کو بہادری کے تمغوں سے نوازا جائے گا، جس میں ایک صدر کا بہادری تمغہ (پی ایم جی) اور 231 گیلنٹری میڈل (جی ایم) شامل ہے۔
-بھارت ایکسپریس
مارکو روبیو کا دورۂ ہندوستان 18 اکتوبر کی مقررہ مدت کے چند روز بعد ہو…
بہار کے ضلع ویشالی میں راگھوپور کے قریب کشتی بے قابو ہو کر الٹ گئی۔…
کیشوپور، جنک پوری، روہنی، سونیا وہار اور منگول پوری سمیت کئی علاقوں میں خفیہ کیمرے…
دہلی پولیس نے جنتر منتر کے علاقے میں بغیر اجازت داخل ہونے کے الزام میں…
تجارت، توانائی، ٹیکنالوجی، سلامتی اور عوامی روابط سمیت اہم شعبوں میں ٹھوس نتائج حاصل کرنے…
وزیر اعظم نریندر مودی کے خلاف مبینہ ’چوکیدار چور ہے‘ تبصرے سے متعلق فوجداری ہتک…