PM Modi condoles loss of lives in Konaseema blast: وزیراعظم نریندر مودی کا آندھرا پردیش کے کوناسیما میں پٹاخہ فیکٹری کے دھماکے میں ہلاکتوں پر اظہار افسوس، زخمیوں کی جلد صحت یابی کی دعا

نئی دہلی: وزیراعظم نریندر مودی نے بدھ کے روز آندھرا پردیش کے کوناسیما ضلع میں ایک پٹاخہ فیکٹری میں ہونے والی شدید آگ میں چھ افراد کی ہلاکت پرگہری دکھ اور افسوس کا اظہارکیا۔ انہوں نے زخمیوں کی جلد صحت یابی کے لیے دعا بھی کی۔ وزیراعظم کے دفترنے اپنے ’ایکس‘ پیغام میں لکھا: ’’آندھرا پردیش کے کوناسیما ضلع میں ایک حادثے کے نتیجے میں انسانی جانوں کے ضیاع پر شدید دکھ ہوا۔ میرے خیالات اس مشکل وقت میں متاثرہ افراد اور ان کے اہل خانہ کے ساتھ ہیں۔ زخمیوں کی جلد صحت یابی کے لیے دعاگو ہوں۔‘‘

کماری پالم میں حادثے کی تفصیلات

بدھ کی دوپہر آندھراپردیش کے امبیڈکر کوناسیما ضلع کے کماری پالم گاؤں میں لکشمی گنپتی فائرورکس یونٹ میں شدید آگ بھڑک اٹھی، جس کے نتیجے میں چھ افراد جاں بحق اور چار زخمی ہو گئے۔ رایاورم پولیس اسٹیشن کے مطابق، آگ فیکٹری میں کام کرنے والے کارکنوں کے دوران بھڑکی۔ قریبی دیہات کے گواہ تباہ کن مناظر دیکھ کرسہم گئے کیونکہ حادثے کے وقت متعدد کارکن فیکٹری کے اندر تھے اور شعلے تیزی سے پھیلنے کے باعث بچ نہ سکے۔ پولیس افسران، ریوینیو حکام اور فائر ڈیپارٹمنٹ کے سینئر افسران فوری طور پر موقع پر پہنچے اور صورتحال کا جائزہ لیا۔ بعد میں زخمیوں کو راج مہندراورم گورنمنٹ ہسپتال منتقل کیا گیا جہاں ان کا علاج کیا گیا۔ حکام فی الحال ہلاک شدگان کی شناخت میں مصروف ہیں۔

وزیراعلیٰ  این چندرابابو نائیڈو کا ردعمل

وزیراعلیٰ این چندرابابو نائیڈو نے رایاورم میں پٹاخہ فیکٹری کے حادثے پر افسران سے بات کی۔ انہوں نے ’ایکس‘ پر لکھا: ’’رایاورم کوناسیما ضلع میں میں آگ کے حادثے نے بڑا صدمہ دیا ہے۔ اس المناک حادثے میں متعدد جانوں کا ضیاع انتہائی دکھ کا باعث ہے۔ میں نے حادثے کے اسباب، موجودہ صورتحال، ریلیف اقدامات اور طبی مدد کے بارے میں افسران سے بات کی۔‘‘ نائیڈو نے مزید کہا کہ سینئر افسران کو ہدایت دی گئی ہے کہ وہ حادثے کی جگہ کا خود دورہ کریں اور ریلیف کے کام میں حصہ لیں۔ انہوں نے کہا کہ ’’میں نے ہدایت دی ہے کہ زخمیوں کو بہتر طبی امداد فراہم کی جائے۔ ہم متاثرہ خاندانوں کے ساتھ ہیں۔‘‘

بھارت ایکسپریس اردو۔