PM Modi Calls Upon Citizens To Witness Piprahwa Relics: وزیر اعظم مودی نے شہریوں سے رائے پتھورا کلچرل کمپلیکس میں پپرہوا کے آثار کو دیکھنے کی اپیل کی

نئی دہلی: وزیر اعظم نریندر مودی 3 جنوری 2026 کو صبح 11 بجے نئی دہلی کے رائے پتھورا کلچرل کمپلیکس میں، ’’دی لائٹ اینڈ دی لوٹس: ریلکس آف دی اویکنڈ ون‘‘ کے عنوان سے مقدس پپرہوا کے آثار کی عظیم الشان بین الاقوامی نمائش کا افتتاح کریں گے۔ وزیر اعظم نے آج ان تمام لوگوں سے اپیل کی جو ثقافت اور بدھ مت کے بارے میں جاننے کے لیے پرجوش ہیں کہ وہ نمائش کا دورہ کریں اور پپرہوا کے مقدس ورثے کا تجربہ کریں۔

وزیر اعظم نے کہا کہ یہ نمائش ایک صدی سے زیادہ عرصے کے بعد وطن واپس لائے گئے پپرہوا کے آثار کو یکجا کرنے کے لیے ہے۔ یہ نئی دلی کے نیشنل میوزیم اور کولکتہ کے انڈین میوزیم کے کلکشن میں محفوظ پپرہوا کے مستند آثار اور آثار قدیمہ کے مواد میں اضافہ کیا ہے۔ ایکس پر الگ الگ پوسٹوں میں وزیر اعظم مودی نے کہا کہ ’’کل ، 3 جنوری، تاریخ، ثقافت اور بھگوان بدھ کے نظریات کے بارے میں پرجوش لوگوں کے لیے ایک بہت ہی خاص دن ہے‘‘۔ صبح 11 بجے، بھگوان بدھ سے متعلق مقدس پپرہوا کے آثار کی عظیم الشان بین الاقوامی نمائش، ’’دی لائٹ اینڈ دی لوٹس: ریلکس آف دی اویکنڈ ون‘‘ کا افتتاح دہلی کے رائے پتھورا کلچرل کمپلیکس میں کیا جائے گا۔

یہ نمائش آثار کو یکجا کرنے کی مہم ہے: پپرہوا کے آثار ایک صدی سے زیادہ عرصے کے بعد واپس لائے گئے ۔ پپرہوا کے مستند آثار اور آثار قدیمہ کے مواد نیشنل میوزیم ، نئی دہلی اور انڈین میوزیم ، کولکتہ کے کلکشن میں محفوظ ہیں ۔ ’’یہ نمائش بھگوان بدھ کے عظیم خیالات کو مزید مقبول بنانے کے ہمارے عزم کے مطابق ہے ۔ یہ ہمارے نوجوانوں اور ہماری بھرپور ثقافت کے درمیان تعلق کو مزید مضبوط کرنے کی بھی کوشش ہے ۔ میں ان تمام لوگوں کی بھی تعریف کرنا چاہوں گا جنہوں نے ان آثار کی وطن واپسی کے لیے کام کیا ‘‘۔ ’’یہاں دہلی میں مقدس پپرہوا کے آثار کی عظیم الشان بین الاقوامی نمائش کی جھلکیاں ہیں ۔ میں ثقافت اور بدھ مت کے بارے میں پرجوش تمام لوگوں سے اس نمائش میں آنے کی اپیل کرتا ہوں‘‘۔

بھارت ایکسپریس اردو