Petition filed in Supreme Court over rising suicide rate at TMU: ٹی ایم یو یونیورسٹی مرادآباد میں 30 دنوں میں  پانچویں موت، ایڈووکیٹ وجاہت انصاری نے سپریم کورٹ میں دائر کی عرضی

سپریم کورٹ آف انڈیا کے ایڈووکیٹ وجاہت انصاری نے چیف جسٹس آف انڈیا کو خط لکھ کر درخواست کی ہے کہ وہ 4 ہفتوں میں 5 خودکش کی تشویشناک صورتحال پر از خود نوٹس لیں۔ ٹی ایم یو یونیورسٹی میں 26 دنوں کے اندر 2 طلباء اور ایک پروفیسر کی ملی لاش۔

اس سے قبل ایک پروفیسر کی لاش ملی تھی۔ قابل ذکر ہے کہ ایڈوکیٹ نے میڈیا رپورٹس کا حوالہ دیتے ہوئے درخواست لکھی ہے۔

عرضی میں Teerthanker Mahaveer University (ٹی ایم یو)، مراد آباد، اتر پردیش میں خودکشی کے خطرناک رجحان کو اجاگر کیا گیا ہے۔

از خود مداخلت کی درخواست میں ٹی ایم یو میں صرف 26 دنوں کے اندر تین خودکشی کا حوالہ دیا گیا ہے جن میں دو طالب علم اور ایک پروفیسر شامل ہیں۔
بتایا جا رہا ہے کہ جس طالب علم کی لاش جمعرات کو ہاسٹل کے کمرے سے ملی ہے اس کا نام اوشوراگ چودھری ہے اور وہ ایم ڈی اینستھیزیا سیکنڈ ایئر کا طالب علم تھا۔ متوفی رانچی کا رہنے والا تھا۔ صبح 8.30 بجے کال کا جواب نہ ملنے پر روم پارٹنر اور دیگر طلباء نے دھکیل کر دروازہ کھولا اور اوشوراگ کی لاش چادر کی مدد سے لٹکی ہوئی پائی۔

آپ کو بتاتے چلیں کہ ابھی پانچ روز قبل ٹی ایم یو کی ایک خاتون ایسوسی ایٹ پروفیسر کی لاش یونیورسٹی کے گیسٹ ہاؤس کے کمرے میں فرش پر پڑی ہوئی ملی تھی۔ خاتون پروفیسر کی گردن پر چاقو  کے  کٹ کےنشانات تھے۔ متوفی ڈاکٹر ادیتی ملہوترا ہریانہ کی رہنے والی تھیں۔ 11 جون کواس نے ٹی ایم یو میں پیتھالوجی ڈیپارٹمنٹ میں شمولیت اختیار کی۔

اس کے علاوہ، میرٹھ ضلع میں ایک الگ المناک واقعہ میں، ایک پریشان باپ اور اس کی نوعمر بیٹی نے تعلیمی اخراجات کی مالی پریشانی کی وجہ سے زہر کھا لیا۔

جوگیندر پرجاپتی، ایک 50 سالہ معمر، اور اس کی 17 سالہ بیٹی خوشی نے اپنی زندگی افسوسناک طور پر اس وقت ختم کر دی جب وہ 10 ویں جماعت کے امتحانات میں 75 فیصد نمبر حاصل کرنے کے باوجود اس کی اسکول کی فیس دینے سے قاصر تھی ۔

عرضی میں سپریم کورٹ پر زور دیا گیا ہے کہ وہ ان واقعات کی عدالت کی نگرانی میں سی بی آئی انکوائری کا حکم دے۔

ایک تفصیلی اخباری رپورٹ کے ذریعے حمایت یافتہ پٹیشن، ان پریشان کن معاملات میں انصاف کو یقینی بنانے کے لیے فوری عدالتی مداخلت کی ضرورت پر زور دیتی ہے۔

بھارت ایکسپریس