Parliament Winter Session 2024: پارلیمنٹ کے سرمائی اجلاس سیشن کے تیسرے دن صبح 11 بجے لوک سبھا اور راجیہ سبھا کی کارروائی شروع ہوئی۔ اس دوران اپوزیشن کے ہنگامے کے سبب بدھ کو لوک سبھا کی کارروائی شروع ہونے کے کچھ ہی منٹ کے اندر ملتوی کردی گئی۔
ایوان کی کارروائی شروع ہونے کے ساتھ ہی کانگریس کے اراکین اپنی جگہ پر کھڑے ہوگئے اوراڈانی گروپ سے متعلق معاملے کواٹھانے کی کوشش کرنے لگے۔ کچھ اراکین کے ذریعہ التوا کے نوٹس کا ذکرکرتے بھی سنا گیا۔ سماجوادی پارٹی کے اراکین نے سنبھل کے حادثہ کو اٹھانے کی کوشش کی۔ لوک سبھا اسپیکراوم برلا نے اپوزیشن اراکین کی نعرے بازی کے درمیان وقفہ سوال شروع کرایا۔ کانگریس اور سماجوادی پارٹی کے کئی اراکین آسن کے قریب پہنچ کرنعرے بازی کرنے لگے۔
لوک سبھا اسپیکر نے ملتوی کی کارروائی
وقفہ سوال میں بی جے پی کے اراکین ارون گوول نے الیکٹرانک انفارمیشن ٹیکنالوجی اوروزارت سے متعلق ضمنی سوالات پوچھے، جن کا جواب محکمہ کے وزیراشونی ویشنونے دیا۔ اوم برلا نے آسن کے قریب پہنچ کرنعرہ بازی کرنے والے اپوزیشن اراکین سے اپیل کی کہ وہ اپنی سیٹ پرچلے جائیں اوروقفہ سوالات کوجاری رہنے دیں۔ انہوں نے ارون گوول کا ذکرکرتے ہوئے کہا کہ وہ پہلی بارسوال پوچھ رہے ہیں، اس لئے ایوان کی کارروائی کو چلنے دیا جائے۔ تاہم ہنگامہ آرائی جاری رہی اوراپوزیشن کے اراکین کی جانب سے نعرے بازی کا سلسلہ جاری رہا۔ لوک سبھا اسپیکرنے نعرے بازی کررہے اپوزیشن اراکین سے کہا، ’’وقفہ سوال ایک اہم وقت ہے، سب کا وقت ہے۔ آپ نے وقفہ سوالات کو جاری رہنے دیا، آپ کوہرمعاملے پربحث کرنے کا موقع دیا جائے گا… آپ منصوبہ بند طریقے سے تعطل پیدا کرنا چاہتے ہیں، یہ مناسب نہیں ہے۔‘‘ اس کے بعد انہوں نے ایوان کی کارروائی کا مطالبہ کیا۔ تقریباً 11:05 بجے ایوان کی کارروائی دوپہر12 بجے تک ملتوی کردی گئی۔
وزیر داخلہ نے ریاست کے یومِ تاسیس کی تقریب میں 63 منصوبوں کا افتتاح کیا…
الیکشن کمیشن آف انڈیا (ای سی آئی) نے حکام کوسخت نگرانی برقراررکھنے کی بھی ہدایت…
ادت راج نے کہا کہ جنگِ آزادی میں 61 ہزار مسلمانوں اور 8 ہزار سکھوں…
سوشل میڈیا پلیٹ فارم ایکس پر جاری پیغام میں وزیر اعظم نے کہا کہ آیوروید…
عدالت عالیہ نے آلودگی کے لیے صرف پرالی جلانے کو ذمہ دار ٹھہرانے پر سوال…
اتراکھنڈ یومِ تاسیس کی تقریب میں کانگریس اور راہل گاندھی پر سخت تنقید کرتے ہوئے…