Paper Leak Education Reform Bill: لوک سبھا میں پیپر لیک مخالف بل پیش، مرکزی وزیر کرن رجیجو کا انتباہ، کہا- ’’جو اراکین بحث نہیں چاہتے، ہوگی کارروائی‘‘

نئی دہلی: لوک سبھا میں پیر(27 جولائی) کوپیپرلیک پرروک لگانے کے مقصد سے تعلیمی اصلاحات سے متعلق اہم بل پیش کیا گیا۔ ایوان سے بل پیش کرنے کی اجازت ملنے کے دوران اپوزیشن نے زبردست ہنگامہ کیا۔ اس درمیان مرکزی وزیربرائے پارلیمانی امورکرن رجیجونے اپوزیشن سے اپیل کی کہ وہ ہنگامہ چھوڑکراس اہم بل پربحث میں حصہ لیں اوراسے منظورکرانے میں تعاون کریں۔

کرن رجیجو نے کہا- اپوزیشن بحث میں شامل ہو

مرکزی وزیربرائے پارلیمانی امورکرن رجیجونے کہا کہ حکومت پیپرلیک روکنے کے لئے بے حد اہم بل لے کرآئی ہے۔ انہوں نے کانگریس سمیت سبھی اپوزیشن پارٹیوں سے اپیل کرتے ہوئے کہا کہ وہ اس موضوع کوسنجیدگی سے سمجھیں اوربل پربحث میں شامل ہوں۔ کرن رجیجونے کہا کہ حکومت چاہتی ہے کہ اس اہم قانون پرتفصیلی بحث ہواوراسے ایوان سے منظورکرایا جائے۔

وزیراعظم اوروزیر داخلہ کے بیان کا مطالبہ موضوع سے بھٹکانے کی کوشش: کرن رجیجو

اپوزیشن کی طرف سے وزیراعظم نریندرمودی اوروزیرداخلہ امت شاہ کے بیان کے مطالبہ پرردعمل ظاہرکرتے ہوئے کرن رجیجونے کہا کہ یہ موضوع سے توجہ ہٹانے کی کوشش کی ہے۔ انہوں نے کہا کہ حکومت کی فی الحال پوری توجہ اس بل پربحث کرانے اوراسے منظورکرانے پرہے۔ پارلیمانی امورکے وزیرنے لوک سبھا چیئرمین کی ممکنہ کارروائی کے سوال پربھی ردعمل ظاہرکیا۔ انہوں نے کہا کہ کچھ اراکین پارلیمنٹ ایوان میں بحث نہیں چاہتے۔ ایسے اراکین کے خلاف ضوابط کے مطابق، جوبھی کارروائی مقررہے، وہ کی جائے گی۔

لوک سبھا کی کارروائی ہوئی ملتوی

بھارت ایکسپریس اردو-