Pakistan admission about deaths: پاکستان نے بھارتی حملوں میں ہلاکتوں کا پہلی بار کیا اعتراف،گیارہ جوانوں کی ہلاکت کو بھی کیا تسلیم

پاکستان نے پہلی بار تسلیم کیا ہے کہ بھارت کے ‘آپریشن سندور’ کے دوران پاکستانی فضائیہ (پی اے ایف) کے اہلکار ہلاک ہوئے ہیں۔ پاک فوج کے شعبہ تعلقات عامہ (آئی ایس پی آر) کے مطابق، 22 اپریل سے 10 مئی تک جاری رہنے والے اس تنازع میں 11 فوجی ہلاک ہوئے، جن میں سے 6 فوج اور 5 پاک فضائیہ کے اہلکار تھے، جن میں چیف ٹیکنیشن اورنگزیب بھی شامل ہیں۔ اس تنازع کو پاکستان نے ‘مرکہِ حق’ کا نام دیاہے، جبکہ بھارت نے اسے ‘آپریشن سندور’ کہاہے۔ پاکستانی دعوؤں کے مطابق، ان حملوں میں 40 شہری بھی ہلاک ہوئے اور 121 افراد زخمی ہوئے ہیں۔

بھارتی فضائیہ کے دعوے اور پاکستانی ردعمل

بھارتی فضائیہ نے دعویٰ کیا کہ اس نے 8-9 مئی کی رات پاکستانی فضائی حدود میں 36 مقامات پر گھسنے کی کوشش کرنے والے پاکستانی طیاروں کو نشانہ بنایا، جن میں ایک ایف-16 اور دو جے ایف-17 لڑاکا طیاروں کو مار گرایا گیا۔ پاکستان نے اسے ‘آپریشن بنیان المرصوص’ (ناقابل تسخیر دیوار) کا نام دیتے ہوئے جوابی کارروائی کی، جس میں اس نے جموں و کشمیر، پنجاب، راجستھان اور گجرات میں 26 مقامات کو ڈرونز اور میزائلوں سے نشانہ بنایا۔ تاہم، پاکستانی فوج نے اپنے فوجی اہلکاروں کی ہلاکت کی تصدیق کرتے ہوئے بھارتی دعوؤں کو کچھ حد تک سچائی میں بدل دی۔پاکستانی بیانیہ کےمطابق بھارتی حملوں میں 40 شہری ہلاک ہوئے جن میں 7 خواتین اور 15 بچے بھی شامل تھے جبکہ حملوں میں 121 معصوم شہری زخمی بھی ہوئے۔ زخمیوں میں 10 خواتین اور 27 بچے بھی شامل ہیں۔

آپریشن سندور کا پس منظر

آپریشن سندور بھارت کی جانب سے 22 اپریل کو پہلگام میں ہونے والے دہشت گرد حملے کے جواب میں شروع کیا گیا، جس میں 26 افراد ہلاک ہوئے تھے۔ بھارت نے اس حملے کا الزام پاکستان کی حمایت یافتہ دہشت گرد تنظیموں جیش محمد، لشکر طیبہ اور حزب المجاہدین پر عائد کیا۔ 7 مئی کو شروع ہونے والے اس آپریشن میں بھارت نے پاکستان اور پاکستان کے زیر قبضہ کشمیر میں 9 دہشت گرد ٹھکانوں کو نشانہ بنایا، جس میں تقریباً 80 سے 90 دہشت گرد ہلاک ہوئے۔

آج کی ایک دوسری بڑی پیش رفت یہ ہے کہ 13 مئی 2025 تک، پاکستان نے اپنی ایمرجنسی ایئر سٹرپس کو دوبارہ فعال کرنے کے لیے اقدامات شروع کر دیے ہیں کیونکہ بھارتی حملوں نے متعدد فوجی ایئر بیسز کو شدید نقصان پہنچایاہے۔ سیٹلائٹ تصاویر سے ظاہر ہوتا ہے کہ نور خان، رفیقی اور دیگر ایئر بیسز پر رن ویز، ہینگرز اور دیگر تنصیبات تباہ ہو چکی ہیں۔ دوسری جانب، بھارت نے اپنے فضائی دفاعی نظام کو مزید مضبوط کیا اور پاکستانی ڈرونز کے متعدد حملوں کو ناکام بنایاہے۔ دونوں ممالک کے درمیان سفارتی مذاکرات جاری ہیں، لیکن سرحدی علاقوں میں کشیدگی ابھی برقرار ہے۔

بھارت ایکسپریس