Opposition Meeting in Patna: ’متحد ہوکر بی جے پی کو ہرانے جا رہے ہیں‘ پٹنہ میں اپوزیشن پارٹیوں کی میٹنگ سے قبل راہل گاندھی کا بڑا بیان

Opposition Parties Meeting: پٹنہ میں اپوزیشن جماعتوں کی ایک میٹنگ سے پہلے کانگریس لیڈر راہل گاندھی نے کہا کہ ایک ساتھ مل کر (متحد ہوکر) ہم بی جے پی کو ہرانے جا رہے ہیں۔ کرناٹک میں ہم لوگوں نے بی جے پی کو شکست دی ہے۔ انہوں نے دعویٰ کیا کہ تلنگانہ، مدھیہ پردیش، راجستھان اور چھتیس گڑھ میں کانگریس پارٹی کی حکومت بنے گی۔

راہل گاندھی نے مزید کہا کہ ملک میں دو نظریے کی لڑائی چل رہی ہے۔ ایک ہماری بھارت جوڑو کی اور ایک طرف بی جے پی بھارت توڑو نظریہ کی۔ بی جے پی ہندوستان کو توڑنے کا کام کر رہی ہے۔ نفرت اور تشدد پھیلانے کا کام کر رہی ہے اور کانگریس پارٹی جوڑنے کا کام کر رہی ہے اور محبت پھیلانے کا کام کرتی ہے۔ نفرت کو نفرت سے نہیں کاٹا جاسکتا ہے، نفرت کو محبت سے ہی کاٹا جاسکتا ہے۔

نتیش کمار نے بلائی اپوزیشن جماعتوں کی میٹنگ

نتیش کمار کی دعوت پر جمعہ کے روز (23 جون) کو پٹنہ میں اپوزیشن جماعتوں کا اتحاد ہونے جا رہا ہے۔ نتیش کمار کی رہائش گاہ پر یہ میٹنگ شروع ہوگئی ہے۔ راہل گاندھی بھی اس میٹنگ میں شرکت کرنے کے لئے پہنچے ہیں۔ کانگریس صدر ملیکا ارجن کھڑگے کے علاوہ کئی ریاستوں کے وزرائے اعلیٰ اور پارٹیوں کے سربراہان اس میٹنگ میں شامل ہو رہے ہیں۔