CM Omar Abdullah Speech in JK Assembly: جموں وکشمیر اسمبلی میں جذباتی ہوئے عمر عبداللہ، کہا- بندوق سے دہشت گردی کنٹرول ہوگا، ختم نہیں

جموں وکشمیرکے پہلگام میں ہوئے دہشت گردانہ حملے پر خصوصی اسمبلی سیشن میں وزیراعلیٰ عمرعبداللہ نے مہلوکین کوخراج عقیدت پیش کیا۔ اس دوران انہوں نے کہا کہ ہم بندوق کے ذریعہ دہشت گردی کو کنٹرول کرسکتے ہیں، لیکن اس کوختم نہیں کرسکتے ہیں۔ یہ ختم تب ہوگا جب لوگ ہمارے ساتھ ہوں گے اورآج لگتا ہے کہ لوگ ہمارے ساتھ ہیں۔

وزیراعلیٰ عمرعبداللہ نے اپنے خطاب کے دوران اس حملے میں مارے گئے سبھی 26 سیاحوں کے نام لئے۔ انہوں نے کہا کہ شمال سے لے کرجنوب تک اورمشرق سے لے کرمغرب تک، اروناچل سے لے کرگجرات تک، جموں وکشمیرسے کیرلا تک اوربیچ کی تمام ریاستیں پورا ملک اس حملے کی لپیٹ میں آیا ہے۔ جموں وکشمیرمیں یہ پہلا حملہ نہیں ہے، لیکن درمیان کا ایک ایسا وقت آیا تھا کہ یہ حملے رک گئے تھے۔ اسی کے بعد پہلگام کا یہ حملہ 21 سال کے بعد اتنا بڑا حملہ ہوا ہے۔

جموں وکشمیر کی سیکورٹی کی ذمہ داری ہماری نہیں ہے: عمرعبداللہ

عمرعبداللہ نے کہا کہ ہمیں لگ رہا تھا کہ جو پہلے دہشت گردانہ حملے ہوئے ہیں، یہ ہماری تاریخ ہے، لیکن پہلگام میں جودہشت گردانہ حملہ ہوا، بدقسمتی سے اس نے وہ حالات پیدا کردیئے ہیں، جب ہمیں لگ رہا ہے کہ پتہ نہیں دوسرا حملہ کہاں ہوگا۔ 26 لوگوں کوہم نے جب خراج عقیدت پیش کیا تومیرے پاس الفاظ نہیں ہے کہ کیا کہوں، ان کے گھروالوں سے معافی مانگوں، یہ جانتے ہوئے کہ جموں وکشمیرکی سیکورٹی جموں وکشمیرکے لوگوں کے ذریعہ منتخب کی گئی حکومت کی ذمہ داری نہیں ہے، لیکن آج میں یہاں سے جموں وکشمیرکی مکمل ریاست کا درجہ دینے کا مطالبہ نہیں کروں گا۔ انہوں نے یہ بھی کہا کہ یہاں کے سیاحتی وزیرہونے کی ذمہ داری کے ناطے ہم نے ان لوگوں کودعوت دی تھی کہ آپ جموں وکشمیرآئیں، لیکن واپس نہیں بھیج پایا۔ میں ان لوگوں سے معافی تک نہیں مانگ پایا۔ میں ان لوگوں کوکیا کہوں، جنہوں نے اپنے والد کوخون میں لپٹا ہوا دیکھا۔ اس نے نیوی افسرکی بیوہ کوجس کی شادی ہوئے ہی چند دن ہوئے تھے۔

حملے نے ہمیں اندرسے کھوکھلا کردیا: وزیراعلیٰ