قومی

BJP MLA Dr. Rajeshwar Singh: بانکے بہاری کے دربار میں ڈاکٹر راجیشور سنگھ کی حاضری، سروجنی نگر کے عوام کی خوشحالی کے لیے کی پرارتھنا

نئی دہلی:  سیاسی مصروفیات اور عوامی خدمت کی ذمہ داریوں کے درمیان روحانیت کی اہمیت کو اجاگر کرتے ہوئے سروجنی نگر سے رکن اسمبلی ڈاکٹر راجیشور سنگھ نے حال ہی میں متھرا کا روحانی دورہ کیا۔ انہوں نے اپنے بڑے بھائی رامیشور سنگھ کے ساتھ عالمی شہرت یافتہ شری بانکے بہاری مندر میں حاضری دی اور بھگوان بانکے بہاری کے حضور عقیدت کے پھول نچھاور کیے۔متھرا کے روح پرور ماحول میں دونوں بھائیوں نے بھکتی کے جذبے کے ساتھ دربار میں ماتھا ٹیکا اور سروجنی نگر کے عوام کے لیے پرارتھنا کی ۔ اس موقع پر ڈاکٹر راجیشور سنگھ نے کہا کہ بانکے بہاری کے دربار میں جو سکون ملتا ہے، اسے الفاظ میں بیان کرنا ممکن نہیں۔ انہوں نے اس دورے کو محض مذہبی  یاترانہیں بلکہ زندگی کو نئی توانائی دینے والا تجربہ قرار دیا۔

 ڈاکٹر راجیشور سنگھ  نے بتایا کہ مندر میں پوجا ارچنا کے دوران انہوں نے اپنے سروجنی نگر اسمبلی حلقے کے عوام کو اپنا خاندان قرار دیتے ہوئے ان کی خوشحالی، صحت اور ترقی کے لیے پرارتھناکی۔ ڈاکٹر راجیشور سنگھ کے چہرے پر نظر آنے والی عقیدت اور اطمینان اس بات کی عکاسی کر رہے تھے کہ سیاست میں سرگرم ہونے کے باوجود ان کے دل میں روحانیت اور عوامی خدمت کو اولین مقام حاصل ہے۔ڈاکٹر راجیشور سنگھ نے اپنے اس روحانی یاترا کی یادیں سوشل میڈیا پلیٹ فارم ایکس پر بھی شیئر کیں۔ انہوں نے لکھا کہ جب انسان اپنی زندگی میں بھکتی اور خدمت کو بنیاد بناتا ہے تو وہ صحیح راستے پر گامزن ہوتا ہے۔ انہوں نے اپنے حامیوں اور عوام سے اپیل کی کہ روزمرہ زندگی میں روحانیت کے لیے کچھ وقت ضرور نکالیں، کیونکہ یہی انسان کو ذہنی سکون اور حوصلہ فراہم کرتی ہے۔

انہوں نے مزید کہا کہ بھگوان کی کرپا انسان کو مشکل حالات میں ثابت قدم رہنے کی طاقت دیتی ہے اور دل میں عاجزی اور بے لوث خدمت کا جذبہ پیدا کرتی ہے۔ ان کے مطابق عاجزی ایک ایسی خوبی ہے جو انسان کو سماج سے مضبوطی سے جوڑتی ہے اور خدمت کے جذبے کو فروغ دیتی ہے۔

اس موقع پر ڈاکٹر راجیشور سنگھ نے بھگوان شری کرشن اور رادھا کی تعلیمات کو اپنانے کا پیغام بھی دیا۔ انہوں نے کہا کہ آج کے تیز رفتار دور میں بھگوان کرشن کے اصول ہی انسان کو مثبت سوچ اور بہتر عمل کی طرف لے جا سکتے ہیں۔انہوں نے کہا کہ روحانیت سے جڑنے سے انسان کو جو سکون اور ہمت ملتی ہے، وہی اسے زندگی کے بڑے مقاصد حاصل کرنے کی طاقت دیتی ہے۔ ڈاکٹر راجیشور سنگھ کا یہ یاترا نہ صرف ایک مذہبی یاتراتھی، بلکہ عوامی خدمت، عاجزی اور روحانیت کے امتزاج کی ایک خوبصورت مثال بھی بن کر سامنے آئی۔

بھارت ایکسپریس اردو

Abu Danish Rehman

Recent Posts

Bhajan Sandhya at World Peace Centre: گروگرام کے ورلڈ پیس سینٹر میں 21 نومبر کو ’بھجن کلبنگ‘ کا انعقاد، گورنر سدھا یادو کریں گی افتتاح

مرکزی وزیر گجیندر سنگھ شیخاوت اور آچاریہ لوکیش جی نے برطانیہ کے ہاؤس آف لارڈز…

2 hours ago

Women’s Asian Champions Trophy: ویمنز ایشین چیمپئنز ٹرافی، بھارت نے ملائیشیا کو 4-1 سے شکست دے کر کیا فاتحانہ آغاز، ڈیبیو میچ میں پوجا ساہو نے داغا گول

موجودہ چیمپئن بھارت نے ویمنز ایشین چیمپئنز ٹرافی 2026 میں شاندار آغاز کرتے ہوئے ملائیشیا…

3 hours ago