این پی آر پورے ملک میں لاگو ہونا ضروری: امت شاہ

 بھارت ایکسپریس / 9 نومبر :مرکزی وزارت داخلہ نے اپنی سالانہ رپورٹ میں بتایا کہ نیشنل رجسٹر آف سٹیزن (این پی آر) کے ڈیٹا بیس کو آسام کے علاوہ پورے ملک میں اپ ڈیٹ کرنے کی ضرورت ہوگی ۔ وزارت نے کہا ہے کہ پیدائش، موت اور ہجرت کی وجہ سے   اس میں جو تبدیلیاں ہوتی ہیں  اسکو شمار کرنے کی  ضرورت ہے ۔ اور اس کے لیے تمام خاندانوں  کے فرد کی معلومات اکٹھی کی جائیں گی.

وزارت داخلہ نے رپورٹ میں کہا ہے کہ کورونا وبا کی وجہ سے این پی آر کو  اپنا کام روکنا پڑا ۔

وزارت کے مطابق، لوگ خود این پی آر کو اپ ڈیٹ کر سکتے ہیں۔ وزارت نے کہا ہے کہ اپ ڈیٹ کے دوران کوئی دستاویزات یا بائیو میٹر جمع نہیں کئے جا رہے ہیں  ۔ رپورٹ میں کہا گیا ہے کہ مرکزی حکومت نے اس کے لیے 3941 کروڑ روپے کا بجٹ منظور کیا ہے۔

این پی آر پہلی بار سال 2010 میں تیار کیا گیا تھا اور اسے 2015 میں اپ ڈیٹ کیا گیا تھا۔ تب کئی اپوزیشن پارٹیوں نے اس کی بے حد  مخالفت کی اور کہا کہ یہ نیشنل رجسٹر آف سٹیزن (NRC) بنانے کی طرف ایک قدم ہے۔ تاہم مرکزی حکومت نے  بتایا تھا کہ اس کا این آر سی سے کوئی  بھی  لینا دینا نہیں ہے۔

وزارت داخلہ کی رپورٹ کے مطابق،۔ 2015 میں، کچھ تفصیلات جیسے نام جنس  اور ماں اور باپ کے ناموں کو اپ ڈیٹ کیا گیا اور آدھار، موبائل اور راشن کارڈ نمبر جمع کیے گئے۔ وزارت داخلہ نے کہا ہے کہ پیدائش، موت اور ایک جگہ سے دوسری جگہ  جانے کی وجہ سے اسے دوبارہ اپ ڈیٹ کرنے کی ضرورت ہے۔ این پی آر کے پاس 115 کروڑ لوگوں کا ڈیٹا بیس ہے۔

شہریت ایکٹ میں یہ انتظام کیا گیا ہے کہ مرکزی حکومت ملک کے ہر شہری کی لازمی رجسٹریشن کر کے قومی شناختی کارڈ جاری کر سکتی ہے۔ حکومت ملک کے ہر شہری کا ایک رجسٹر تیار کر سکتی ہے اور اس کے لیے نیشنل رجسٹریشن اتھارٹی بھی تشکیل دی جا سکتی ہے۔ اسی ایکٹ کی دفعہ 14 کے تحت کسی بھی شہری کے لیے این پی آر میں رجسٹریشن کو لازمی قرار دینے کا بھی انتظام کیا گیا ہے۔

وزارت داخلہ نے یہ بھی بتایا کہ 29 اضلاع کے ڈسٹرکٹ مجسٹریٹس اور 9 ریاستوں کے ہوم سیکرٹریز کو حکومت نے اختیار دیا ہے کہ وہ پاکستان، افغانستان اور بنگلہ دیش سے ہندو، سکھ، جین، بدھ، عیسائی اور پارسی برادریوں کے لوگوں کو مدعو کریں۔ تحقیقات کے بعد ہندوستانی شہریت دی جائے

NPR کیا ہے؟

این پی آر (نیشنل پاپولیشن رجسٹر) کو حکومت اپنی اسکیموں کو نافذ کرنے کے لیے استعمال کرتی ہے۔ لوگوں کے بائیو میٹرک ڈیٹا کے ذریعے اسکیموں کے استفادہ کنندگان کی شناخت میں مدد ملتی ہے۔ اگر کوئی بیرونی شخص ملک کے کسی بھی حصے میں چھ ماہ سے زیادہ عرصے سے مقیم ہے تو اس کی تفصیلات بھی این پی آر میں درج ہیں۔ این پی آر میں صرف لوگوں کی طرف سے دی گئی معلومات کو درست سمجھا جاتا ہے۔ یہ شہریت کا ثبوت نہیں ہے۔