Noida Authority Issued Notice to 13 Builders: ہزاروں کروڑ کا بقایا ہونے پر نوئیڈا اتھارٹی نے 13 بلڈروں کو جاری کیا نوٹس

نوئیڈا اتھارٹی نے 13 بلڈروں کو ہزاروں کروڑ روپئے کے بقایا واجبات کی وجہ سے نوٹس جاری کیا ہے۔ این سی ایل ٹی میں بلڈرز کا معاملہ چل رہا ہے۔ ان 13 رئیل اسٹیٹ ڈویلپرس کے واجبات 8510.69 کروڑ روپئے ہیں۔ ساتھ ہی نوئیڈا اتھارٹی نے بھی ان کے سامنے ایک شرط رکھی ہے۔ اگر بلڈراین سی ایل ٹی اورعدالت سے کیس واپس لے لیتا ہے، توواجبات کودوبارہ شیڈول کیا جائے گا۔ اس کے علاوہ امیتابھ کانت کی سفارش کا بھی فائدہ ہوگا۔ ایسے میں خریداروں کی رجسٹری کا راستہ صاف ہوجائے گا، جس سے 30 ہزارخریداروں کو فائدہ ہوگا۔ اس وقت 17 پروجیکٹ این سی ایل ٹی میں ہیں۔

15 دنوں کے اندر تجویز مانگی

نوئیڈا اتھارٹی نے اے ٹی ایس، سپرٹیک، لاجکس سمیت رئیل اسٹیٹ ڈویلپرس کونوٹس جاری کیا ہے اورسینکڑوں کروڑ روپئے کے واجبات کودوبارہ ترتیب دینے کے لیے 15 دنوں کے اندرتجاویزطلب کی ہیں۔ سرکاری دستاویزات کے مطابق، جن 13 ڈویلپرس کو نوٹس بھیجے گئے ہیں، ان پرنوئیڈا اتھارٹی کو سود اورجرمانے کی مد میں 8,510.69 کروڑ روپئے سے زیادہ واجب الادا ہے۔ واجبات کے بارے میں بات کرتے ہوئے، ان میں سے اے ٹی ایس، سپرٹیک اور لاجکس گروپ کمپنیوں کے پاس سب سے زیادہ 7,786.06 کروڑ روپئے (یا 91.48 فیصد) بقایا ہے۔

کمپنیوں پر بہت زیادہ بقایا

اے ٹی ایس ہومزپر640.46 کروڑ روپئے بقایا ہیں۔
اے ٹی ایس انفراٹیک پر697.76 کروڑ روپئے واجب الادا ہیں۔
اے ٹی ایس ہائٹس پر 2,129.88 کروڑ روپئے بقایا ہیں۔
سپرٹیک ریئلٹرس پر 2,245.81 کروڑ روپئے واجب الادا ہیں۔
سپرٹیک لمیٹڈ پردومعاملات میں 815.73 کروڑ روپئے اور143.18 کروڑ روپئے واجب الادا ہیں۔
لاجکس انفراسٹرکچرپرائیویٹ لمیٹڈ پر446.44 کروڑ روپئے واجب الادا ہیں۔
لاجکس سٹی ڈیولپرس پر666.80 کروڑ روپئے واجب الادا ہیں۔
سی-3 پر 572.51 کروڑ روپئے واجب الادا ہیں۔
سیلریٹی انفراسٹرکچر پر 178.65 کروڑ روپئے بقایا ہیں۔
-ایلیسٹ ریئل ٹیک پر73.28 کروڑ روپئے واجب الادا ہیں۔
ایکسپلسٹ اسٹیٹ پر51.17 کروڑ روپئے بقایا ہیں۔
ابیٹ بلڈکون پر 27.67 کروڑ روپئے واجب الادا ہیں۔