Nita Ambani will discuss India’s Contribution: نیتا امبانی دنیا میں ہندوستان کے تعاون پرکریں گی بات

نئی دہلی: ریلائنس فاؤنڈیشن کی چیئرپرسن نیتا امبانی کو ہارورڈ یونیورسٹی کی باوقار’سالانہ انڈیا کانفرنس’ میں کلیدی مقررکے طورپردعوت نامہ موصول ہوا ہے۔ نیتا امبانی ہارورڈ بزنس اسکول کے سابق ڈین نتن نوہریا کے ساتھ ہندوستان کے فن اورثقافت کے مختلف پہلوؤں اوردنیا میں ہندوستان کی شراکت پرتبادلہ خیال کریں گی۔ ’بھارت سے دنیا تک‘ کے موضوع پریہ کانفرنس 16-15 فروری کوامریکہ کی ہارورڈ یونیورسٹی میں منعقد ہوگی اور اس میں 1000 سے زائد مندوبین کی شرکت متوقع ہے۔
گذشتہ کچھ عرصے سے، نیتا امبانی عالمی سطح پر ہندوستان کی سب سے بااثر آواز بن کر ابھری ہیں۔ ہارورڈ میں وہ ہندوستان کی نرم طاقت اور مطابقت کو نئے سرے سے دنیا کے سامنے پیش کریں گی۔ کانفرنس میں ٹیکنالوجی، آب و ہوا، اقتصادی ترقی، جمہوریت، سفارت کاری، ثقافتی تبادلے جیسے مسائل پر ہندوستان کے نقطہ نظرپرتبادلہ خیال کیا جائے گا۔ اس کانفرنس کا انعقاد ہارورڈ کے طلباء گزشتہ 22 سالوں سے کر رہے ہیں۔ یہ کانفرنس ایک ایسے ہندوستان کو اجاگرکرے گی، جو نہ صرف دنیا کی ایک ابھرتی ہوئی سپر پاور ہے بلکہ جدیدیت اور ترقی سے بھی گہرا جڑا ہوا ہے، جس کا پیغام ’واسودھئیو کٹمبکم‘ ہے۔

بھارت ایکسپریس اردو۔