Nita-Mukesh Ambani Cultural Center: نیتا-مکیش امبانی کلچرل سینٹر یعنی (این ایم اے سی سی) کے لانچنگ میں ملک اوردنیا کی کئی عظٰم شخصیات شامل ہوئی ہیں۔ ہالی ووڈ، بالی ووڈ، کھیل، سیاست اور مذہبی اورمشہور شخصیات اس تقریب میں شامل ہوئے ہیں۔ جمعہ اور ہفتہ کے روز ہوئی تقریب میں کئی ستارے پہنچے۔ اس موقع پر پورا امبانی خاندان بھی موجود تھا۔ ریلائنس فاونڈیشن کی چیئرپرسن نیتا امبانی کا ایک ڈانس ویڈیو سوشل میڈیا پر خوب وائرل ہو رہا ہے۔ یہ ویڈیو لوگوں کے درمیان بحث کا موضوع بنا ہوا ہے۔ دراصل، نیتا امبانی، نیتا-مکیش امبانی کلچرل سینٹر کے افتتاحی تقریب میں ‘رگھو پتی راگھو راجا رام’ بھجن پر ڈانس کرکے سبھی ناظرین کا دل جیت لیا۔ اب اس پرفارمنس کا ویڈیو سوشل میڈیا پرتیزی سے وائرل ہو رہا ہے۔
تالیوں کی آواز سے گونج اٹھا ہال
واضح رہے کہ لال رنگ کے لہنگے کے ساتھ پنک دوپٹے میں نیتا امبانی بے حد خوبصورت لگ رہی تھیں۔ ‘رگھو پتی راگھو راجا رام’ بھجن پر ان کے شاندار ڈانس نے پروگرام میں موجود لوگوں کا دل جیت لیا۔ ڈانس کا ویڈیو سوشل میڈیا پر وائرل ہو گیا ہے، جسے دیکھ کر لوگ نیتا امبانی کی تعریف کر رہے ہیں۔ ایک صارف نے لکھا کہ اتنی بڑی بزنس فیملی سے ہونے کے بعد بھی وہ بھارت کی تہذیب وثقافت سے جڑی ہوئی ہیں۔ وہیں ایک یوزرس نے لکھا کہ بھارت میں ایک کلچرل سینٹر کی ضرورت تھی۔ ایسے میں ممبئی جیسے شہر جو فیشن اور کلچر کا سب سے بڑا مرکز ہے، وہاں یہ کلچرل سینٹر ایک اہم کردار نبھائے گا۔
کلچرل سینٹر میں نوجوانوں کو ملے گا موقع
اس کلچرل سینٹر کے لانچنگ کے موقع پر نیتا امبانی نے کہا ہے کہ ہم ایک ثقافتی مرکز کے لئے لمبے وقت سے کوشش کر رہے تھے۔ این ایم اے سی سی میں اب بڑے شو ہوسکیں گے۔ اس کے ذریعہ ملک کے چھوٹے شہروں اور دوردراز کے علاقوں سے آنے والے نوجوانوں کو اپنے جوہر کو دکھانے کا موقع ملے گا۔ انہوں نے امید کا اظہار کیا کہ اس مرکز کے ذریعہ یہ ممبئی ہی نہیں بلکہ ملک کا سب سے بڑا ثقافتی مرکز بن کر ابھرے گا۔
این ایم اے سی سی کے لانچنگ تقریب میں پہنچے کئی ستارے
نیتا مکیش امابنی کلچر سینٹر کے میگا لانچ پر تین دنوں کا شاندار پروگرام منعقد کیا گیا تھا۔ اس میں بالی ووڈ، ہالی ووڈ، سیاست، فن، مذہب اور دنیائے کھیل سے منسلک کئی شخصیات نے شرکت کی۔ اس میں شاہ رخ خان، سلمان خان، عامرخان، دیپیکا پادوکون، رنویر سنگھ، کرینہ کپور، سیف علی خان، عالیہ بھٹ، ریکھا، ایشوریہ رائے بچن، کیارا اڈوانی وغیرہ جیسی شخصیات نے حصہ لیا۔ وہیں کئی ہالی ووڈ اسٹارس بھی اس ایونٹ کا حصہ بنے۔ وہیں اسپائیڈر مین فلم کی مشہور جوڑی ہالینڈ اور جینڈایا، گگی ہدید جیسے ہالی ووڈ اسٹارس نے بھی اس پروگرام میں اپنی موجودگی سے چارچاند لگا دیا۔
-بھارت ایکسپریس