”آج کا دن سروجنی نگرکےلئے بہت خاص ہے!“ چاندے بابا تالاب واقع بستی کو خالی کرنے کے حکم کواین جی ٹی نے کیا ملتوی، ڈاکٹرراجیشورسنگھ نے دی جانکاری

لکھنؤ کے سروجنی نگراسمبلی حلقہ سے بی جے پی رکن اسمبلی ڈاکٹرراجیشورسنگھ نے سوشل میڈیا پلیٹ فارم ایکس (سابقہ میں ٹوئٹر) پر ایک پوسٹ شیئر کی ہے، جس میں انہوں نے لکھا ہے کہ آج این جی ٹی نے 25 فروری تک گڑھی چنوٹی کی چاندے بابا تالاب واقع بستی خالی کرنے کے اپنے سابقہ حکم کو ملتوی کیا ہے، جس کے سبب سینکڑوں غریب، پسماندہ اور دلت خاندانوں کا مستقبل اندھیرا تھا۔ آج نیشنل گرین ٹریبونل (این جی ٹی) کے سامنے، سروجنی نگر کے لوگوں کے خوابوں کا سپاہی بن کرحاضرہوا۔

راجیشور سنگھ نے مدد کا دلایا تھا بھروسہ

راجیشورسنگھ نے مزید کہا کہ گرام سبھا گڑھی چناؤٹی کی اس بستی میں کئی دہائیوں سے رہنے والے ہزاروں لوگوں کوانصاف فراہم کرنے کی کوششوں کوابتدائی کامیابی ملی ہے۔ انہوں نے بتایا کہ 11 ستمبرکو میں نے اس کالونی کے لوگوں سے ملاقات کی، ان کے مسائل کے بارے میں معلوم کیا اورانہیں ہرممکن تعاون کا یقین دلایا۔

اسی ضمن میں آج این جی ٹی میں بطورانجینئر حاضر ہونا، میرے لئے صرف ایک قانونی ذمہ داری نہیں بلکہ جذباتی عزم بھی تھا۔ ہرلمحہ میں، میں سروجنی نگرکے لوگوں کے ساتھ ہوں اور ہمیشہ رہوں گا۔

بھارت ایکسپریس اردو۔