New Delhi Darbhanga Train Fire: نئی دہلی-دربھنگہ کلون اسپیشل ٹرین کے تین ڈبوں میں لگی خوفناک آگ

ایک بار پھر ٹرین حادثے کی خبر آئی ہے اور یہ حادثہ یوپی کے بھوپت ریلوے اسٹیشن کے قریب پیش آیا ہے جہاں ٹرین کے ڈبوں  سے آگ کی لپٹیں اٹھنے لگیں ۔نارتھ سنٹرل ریلوے کے سی پی آر او نے بتایا کہ جب ٹرین نمبر 02570 دربھنگہ کلون اسپیشل اتر پردیش کے سرائے بھوپت ریلوے اسٹیشن سے گزر رہی تھی تو ایس ون کوچ میں دھواں دیکھ کر اسٹیشن ماسٹر نے فوری طور پر ٹرین کو روک دیا۔ تمام مسافروں کو بحفاظت اتار لیا گیا۔اس دوران ٹرین کے تین ڈبے آگ کی زد میں آگئے ۔فی الحال آگ پر قابو پانے کی کوشش کی جارہی ہے۔

نئی دہلی دربھنگہ ایکسپریس میں آگ لگنے کی ویڈیو سامنے آئی ہے۔ دیکھا جا سکتا ہے کہ آگ کافی خطرناک  ہے۔حالانکہ انتظامیہ کا کہنا ہے کہ آگ پر قابو پانے کے ساتھ ہی ٹرین کو آگے روانہ کردیا جائے گا۔رپورٹ کے مطابق پہلے سلیپر کے ایک کوچ میں آگ لگ گئی۔ جو دیکھتے ہی دیکھتے ٹرین کے تینوں ڈبوں یعنی ایس ون،ایس ٹو،ایس تھری تک پھیل گئی۔ ایسے میں حفاظتی وجوہات کی بنا پر تینوں بوگیوں کو ٹرین سے الگ کر دیا گیا۔جس کی وجہ سے کسی بھی قسم کا کوئی جانی نقصان نہیں ہوا۔لیکن آگ کیسے لگی اس کے وجوہات ابھی تک سامنے نہیں آئے ہیں۔

بھارت ایکسپریس۔