NCPUL Schemes Revived: اردو کے فروغ کے لئے قومی اردو کونسل کی اسکیمیں ہوئیں بحال

قومی کونسل برائے فروغ اردو زبان (این سی پی یو ایل) ہندوستان کا سب سے بڑا ادارہ ہے۔ اس کے تحت اردوزبان کے فروغ کے لئے مختلف اسکیمیں چلائی جاتی ہیں۔ گزشتہ کچھ سالوں میں یہ تمام اسکیمیں بند ہوگئی تھیں، لیکن موجودہ ڈائریکٹرڈاکٹرمحمد شمس اقبال کی کوششوں سے ان اسکیموں کو دوبارہ بحال کیا گیا ہے اوراردوداں طبقے میں اسکیموں کی بحالی سے متعلق خوشی کا ماحول ہے۔ اس سلسلے میں ڈائریکٹر ڈاکٹرمحمد شمس اقبال سے بھارت ایکسپریس اردوکے لئے ڈاکٹرنثاراحمد خان نے خصوصی بات چیت کی۔ آئیے آپ کو خصوصی گفتگوکا ویڈیو دکھاتے ہیں۔

این سی پی یو ایل کے ڈائریکٹرڈاکٹرمحمد شمس اقبال نے بتایا کہ انہوں نے اردو زبان کوفروغ دینے کے لئے غیراردوداں طبقے تک پہنچنے کے لئے کچھ خاکہ تیارکیا ہے، جسے نافذ کرنے کا فیصلہ اردوکے فروغ کے لئے کافی اہم ہوسکتا ہے۔ انہوں نے بتایا کہ قومی اردو کونسل کا مقصد اردو زبان وادب کا فروغ ہے۔ ہم اس مقصد کو پورا کریں گے۔ انہوں نے مودی حکومت سے متعلق ایک سوال کے جواب میں کہا کہ ہمیں حکومت اور وزیر تعلیم دھرمیندر پردھان کا مکمل تعاون حاصل ہے اورہم کونسل کے ذریعہ اپنی خدمات انجام دے رہے ہیں۔