Ajit Pawar on Nagpur Violence: مسلم بھائیوں کوکوئی آنکھ دکھائے گا تو اسے چھوڑیں گے نہیں… مہاراشٹر کے نائب وزیراعلیٰ اجیت پوار کا بڑا بیان

اجیت پوارنے یہ بھی کہا کہ رمضان صرف ایک مذہب تک محدود نہیں ہے۔ یہ ہمیں اتحاد اور بھائی چارہ کو پیغام دیتا ہے۔ ضرورت مندوں کے درد کو سمجھنے کی ترغیب دیتا ہے۔ ہندوستان تنوع میں اتحاد کی علامت ہے۔ آپ کو بتا دیں کہ این سی پی اجیت پوارگروپ نے ممبئی کے اسلام جم خانہ میں مسلمانوں کے لئے رمضان کے مقدس مہینے کے موقع پرافطاری کا اہتمام کیا۔ اس موقع پراجیت پوار، پرفل پٹیل، سنیل تٹکرے، چھگن بھجبل، ثنا ملک، نواب ملک اوردیگرسینئر پارٹی لیڈران اورمسلم کمیونٹی کے لوگوں کی بڑی تعداد موجود تھی۔

قابل ذکرہے کہ اجیت پوارکا یہ بیان ایسے وقت میں آیا ہے جب مہاراشٹرمیں ماحول کافی گرم ہے۔ ناگپور شہر میں ہوئے تشدد معاملے میں جمعہ کو 14 افراد کو گرفتار بھی کیا گیا ہے۔ اب تک اس معاملے میں پکڑے گئے لوگوں کی کل تعداد 105 ہوگئی ہے۔ تشدد معاملے میں 10 بچے بھی حراست میں لئے گئے ہیں۔ تین نئی ایف آئی آر بھی درج کی گئی ہیں۔

بھارت ایکسپریس اردو۔