مدھیہ پردیش کے سیدھی سے ایک ویڈیو تیزی سے وائرل ہوا۔ کلپ میں پرویش شکلا نام کا بی جے پی لیڈر ایک آدیواسی نوجوان پرپیشاب کرتا نظرآیا۔ ویڈیو پر ہنگامہ ہوا توملزم کو پولیس نے گرفتارکرلیا۔ پھر انتظامیہ نے اس کے گھر پربلڈوزرچلا دیا۔ جمعرات کو سیدھی معاملے کے متاثرہ فیملی نے سی ایم ہاوس پہنچ کر وزیراعلیٰ شیوراج سنگھ چوہان سے ملاقات کی۔ وزیراعلیٰ شیوراج سنگھ چوہان نے حادثہ کے لئے آدیواسی دشمت سے معافی مانگی ہے۔
وزیراعلیٰ نے پورے حادثہ سے پر متاثرہ فیملی سے مل کر افسوس کا اظہار کیا۔ وزیراعلیٰ نے متاثرہ شخص دشمت راوت کے پیر دھوکر ان کی عزت افزائی بھی کی۔ وزیراعلیٰ شیو راج نے متاثرہ سے کہا کہ حادثہ سے متعلق ان کا دل مایوس ہے۔ ملاقات کے بعد وزیراعلیٰ شیو راج سنگھ چوہان کے ساتھ دشمت سی ایم ہاوس سے ہوئے روانہ ہوئے۔ دونوں ایک ہی گاڑی میں شجرکاری پروگرام کے لئے نکلے۔ وزیراعلیٰ نے دشمت راوت کے ساتھ ایک پودا بھی لگایا۔
اس سے قبل ایک آدیواسی کے چہرے پر پیشاب کرنے کے ملزم بی جے پی کارکن پرویش شکلا کے خلاف شیو راج حکومت نے سخت کارروائی کی ہے۔ پرویش شکلا کا ویڈیو سامنے آنے کے بعد وزیراعلیٰ شیو راج سنگھ چوہان حکومت نے اس پر این ایس اے لگانے کے احکامات دیئے تھے، جس کے بعد منگل کی دیر رات اسے گرفتارکرلیا گیا۔ وہیں اس کے گھرپربلڈوزرچلا دیا گیا۔ پرویش شکلا کا گھرمنہدم کئے جانے کا ایک ویڈیو سامنے آیا ہے۔
پولیس کی موجودگی میں گھر منہدم
پرویش شکلا کا گھرمنہدم کئے جانے کے دوران وہاں لوگوں کی بھیڑ مصروف ہوگئی تھی، کچھ لوگ کارروائی میں رخنہ ڈالنا چاہتے تھے، لیکن انتظامیہ کی ٹیم بلڈوزر اور جے سی بی سے مکان کو منہدم کرنے میں مصروف رہی۔ ایک افسر نے بتایا کہ ملزم پرویش شکلا کے خلاف این ایس اے لگایا گیا ہے اور اس نے جو کیا اس کی سزا دینے کے لئے ہی اس کا گھر منہدم کیا گیا۔
یہ بھی پڑھیں: Parvesh Shukla’s house was demolished by a Bulldozer: آدیواسی کے چہرے پر پیشاب کرنے والے پرویش شکلا کا گھر بلڈوزر سے منہدم، سیدھی میں ایسے ہوئی کارروائی
ایک جے سی بی خراب ہوتے ہی دوسری جے سی بی آئی
سیدھی میں سہاول ایس ڈی ایم آرپی ترپاٹھی نے میڈیا اہلکاروں سے بات چیت میں کہا کہ یہاں ملزم کے مکان میں کئے گئے تعمیرمیں سے تقریباً ایک تہائی حصہ غیرقانونی ہے، اس لئے اسے منہدم کیا گیا ہے۔ وہیں محکمہ محصولات کے افسر سوربھ مشرا نے کہا کہ 400 اسکوائر فٹ میں بنے غیرقانونی حصے کو منہدم کردیا گیا۔ مکان توڑتے وقت ایک جے سی بی خراب ہوگئی تھی، جس کے بعد دوسری جے سی بی منگوائی گئی۔