Iran-Israel Ceasefire: ایران-اسرائیل میں جنگ بندی پرمحبوبہ مفتی کا بڑا بیان، کہا- ’اسلامی ممالک میں ایران کا رتبہ…‘

Iran-Israel Ceasefire: ایران اوراسرائیل میں جاری زبردست کشیدگی کے درمیان امریکہ کے صدرڈونالڈ ٹرمپ نے سیزفائر کا اعلان کیا ہے۔ ٹرمپ نے کہا کہ 6 گھنٹے کے اندردونوں ممالک میں سیزفائرہوجائے گا۔ اس درمیان ایران نے اسرائیل پرمیزائل داغیں اورکہا کہ آگے حملے نہیں ہوں گے تو ہم سیزفائرنافذ کرتے ہیں۔ اس پرجموں وکشمیرکی سابق وزیراعلیٰ اور پیپلزڈیموکریٹک پارٹی (پی ڈی پی) سربراہ محبوبہ مفتی نے کہا کہ میں ایران کے لوگوں، فوجیوں اورلیڈرشپ کوسلام کرتی ہوں۔

سب سے بڑا ہتھیارایمان ہے: محبوبہ مفتی

محبوبہ مفتی نے نیوزایجنسی اے این آئی سے کہا، ”جس جذبے سے انہوں نے لڑائی لڑی، قابل تعریف ہے۔ نہ توکوئی ہتھیارتھا، نہ کوئی جوہری ہتھیارہے… ان کا سب سے بڑا ہتھیارایمان ہے۔ شہادت کا جذبہ ہے۔ مجھے پورا یقین ہے کہ امریکہ جیسے سپرپاورکے دوست اسرائیل کوگھٹنے پرلایا ہے۔ امریکہ کے نہیں چاہتے ہوئے بھی، اسلامی ممالک میں ایران کا رتبہ بہت اوپرچلا گیا ہے۔ لیڈرشپ کا رول مل گیا۔”

جموں وکشمیرکی سابق وزیراعلیٰ محبوبہ مفتی نے کہا کہ امریکہ نے اسرائیل کے کہنے پرعراق، افغانستان، لیبیا، شام کو تباہ کیا اورجمہوریت کا نام لیتے ہیں۔ امریکہ کے صدر کی کافی عزت ہوتی تھی، لیکن ڈونالڈ ٹرمپ کے آنے کے بعد اس کی عزت کم ہوئی ہے۔ ڈونالڈ ٹرمپ کیا کہتے ہیں، کیا کرتے ہیں، یہ بڑا سوال ہے۔ یہ دنیا کے لئے خطرے کی گھنٹی ہے۔

یہ مبارک دن ہے: محبوبہ مفتی

انہوں نے کہا کہ ایران نے جوسیزفائرکی شرط رکھی کہ اسرائیل اب حملے نہیں کرے گا۔ اس سے لگتا ہے کہ امریکہ اوراسرائیل چاہتے تھے کہ سیز فائرہو۔ ٹرمپ کو قطرکی مدد لینی پڑی۔ یہ مبارک دن ہے۔ انہوں نے کہا، ”ہندوستان-پاکستان بھی جنگ کے دہانے پرتھے۔ اس کے بعد یہ ہوگیا۔ اس میں امریکہ کا اہم رول ہے۔ امریکہ ہی یہ شروع کرتا ہے۔ وہی جنگ شروع کرتا ہے۔ راست یا براہ راست وہی آتا ہے۔ چین اور روس کا پازیٹیو رول ہے۔ ایران کی حمایت کی۔ امریکہ بتا دیا ہے کہ آپ جسے تباہ کرنا چاہتے ہیں، ہم اس کے ساتھ ہیں۔”