Meerut clash news: میرٹھ میں عید کی نماز کے بعد چلی لاٹھیاں،ہوا پتھراو، گولی چلنے کا بھی کیا جارہا ہے دعویٰ، جانئے کیا ہے پورا معاملہ

اتر پردیش کے میرٹھ میں پیر 31 مارچ کو عید کی نماز کے بعد دو گروپوں میں تصادم ہوا۔ اس سے قبل ناظم اور زاہد نامی دو افراد کے درمیان جھگڑا ہوا تھا۔ یہ واقعہ میرٹھ کے جانی تھانہ علاقے میں پیش آیا۔ اس سلسلے میں ایس پی رورل راکیش کمار مشرا نے تفصیلی جانکاری دی ہے۔ان کا کہنا تھا کہ “کل شام ناظم اور زاہد نامی دو افراد میں جھگڑا ہوا، آج نماز کے بعد جب دونوں اپنے اپنے گھروں کو واپس جا رہے تھے تو ان کے درمیان پھر جھگڑا ہوا اور دونوں طرف سے بہت سے لوگ آپس میں لڑ پڑے۔

ایس پی کے بقول اس لڑائی میں  پتھراؤ بھی ہوا اور لاٹھی چارج بھی ہوا، بہت سے لوگ زخمی ہیں اور ان کا علاج کیا جا رہا ہے، ایس پی کا کہنا ہے کہ ہسپتال میں کچھ لوگوں سے ویڈیو موصول ہوئی ہے جس کی تحقیقات کی جا رہی ہیں، ابھی تک دونوں فریقین کی شکایت پر مقدمہ درج کر کے دیگر ملزمان کی گرفتاری کے لیے ٹیمیں تعینات کر دی گئی ہیں، جن میں سے 11 افراد زخمی ہوئے ہیں، انہیں طبی امداد کے لیے قریبی اسپتال منتقل کر دیا گیا ہے۔ پولیس کا کہنا ہے کہ شکایت ملنے کے بعد اس معاملے میں مقدمہ درج کرکے مزید کارروائی کی جائے گی۔

بھارت ایکسپریس۔