Meat recovered from a house in Indra Colony, Chandigarh: چندی گڑھ کے اندراکالونی کے مکان سے گوشت برآمد، پولیس نے فریج بھی کیا ضبط جانیں کیا ہے پورا معاملہ

Meat recovered from a house in Indra Colony, Chandigarh:   اندرا کالونی کے ایک مکان میں بیف کا گوشت ملنے کی اطلاع ملنے پر آئی ٹی پارک پولیس نے موقع پر پہنچ کر فریج کو قبضے میں لے لیا ۔ جس میں گوشت رکھا گیا تھا۔ آئی ٹی پارک پولیس کے ساتھ فرانزک ٹیم بھی موقع پر پہنچ گئی۔ پولیس نے ملزم کو حراست میں لے کر کارروائی شروع کر دی ہے۔ پولیس کا کہنا ہے کہ اگربیف  کے گوشت کا معاملہ ثابت ہوا تو قانون کے تحت سخت کارروائی کی جائے گی۔ راشٹریہ بجرنگ دل اور سری ہندو تخت نے بیف کے گوشت کے واقعہ کی مذمت کرتے ہوئے مطالبہ کیا کہ ملزمین کے خلاف سخت کارروائی کی جائے۔

راشٹریہ بجرنگ دل کے شکایت کنندہ چندن نے کہا کہ انہیں اطلاع ملی کہ ایک گھر میں بیف رکھا گیا ہے جسے سپلائی کیا جانا تھا۔ اس کی شکایت آئی ٹی پارک تھانے کو دی گئی۔ پولیس نے ملزم سلیم کو حراست میں لے کر پوچھ گچھ کی اور گوشت تحویل میں لے لیا۔  قابل ذکر بات یہ ہے کہ  شری ہندو تخت کے قومی ترجمان اشوک تیواری نے کہا کہ بیف  کا گوشت فروخت کرنے والوں کو بخشا نہیں جانا چاہیے۔ قانون کے مطابق کارروائی کی جائے۔ پولیس نے فی الحال ڈی ڈی آر درج کر لیا ہے اور گوشت کو جانچ کے لیے بھیج دیا ہے۔

بھارت ایکسپریس