Ram Mandir Inauguration: کالی مندر، مسجد، چرچ اور گرودوارہ… 22 جنوری کو ممتا بنرجی کی ‘سدبھاونا ریلی’، کہا یہ کسی کا کاؤنٹر نہیں

مغربی بنگال کی وزیر اعلیٰ ممتا بنرجی نے 22 جنوری کے لیے اپنے پروگرام کا اعلان کیا ہے۔ ایک طرف ایودھیا میں رام مندر کا افتتاح ہونے والا ہے تو دوسری جانب  ممتا بنرجی مغربی بنگال میں ‘سدبھاونا ریلی’ نکال رہی ہیں۔ وزیراعلیٰ کی اس ریلی میں تمام مذاہب کے لوگ شرکت کریں گے۔ انہوں نے بتایا کہ ان کی ریلی جنوبی کولکتہ کے ہزارہ کراسنگ سے شروع ہوگی۔ اس سے پہلے وہ کالی گھاٹ مندر میں کالی ماتا کی پوجا کریں گی۔

ممتا بنرجی نے ایک بیان میں کہا کہ وہ 22 جنوری کو کالی گھاٹ مندر جائیں گی اور پوجا کریں گی۔ اس کے بعد وہ تمام مذاہب کے لوگوں کے ساتھ ‘سدبھاؤ ریلی’ نکالیں گی۔ وزیر اعلی  ممتا نے یہ بھی کہا کہ ان کا کسی دوسرے پروگرام سے کوئی لینا دینا نہیں ہے۔ انہوں نے پریس کانفرنس میں بتایا کہ اس ریلی کا اہتمام ترنمول کانگریس کرے گی۔

ٹی ایم سی کارکنان تمام اضلاع میں ‘سدبھاؤ ریلی’ نکالیں، ممتا کی اپیل

ممتا بنرجی نے بتایا کہ ان کی ریلی تمام مذاہب کے مذہبی مقامات سے گزرے گی۔ ریلی کا اختتام پارک سرکس گراؤنڈ پر ہونا ہے اور اس سے قبل ریلی مساجد، مندروں، گرجا گھروں اور گرودواروں سے گزرے گی۔ انہوں نے پارٹی کارکنوں سے اپیل کی ہے کہ وہ تمام اضلاع میں ایسی ہی ریلیوں کا انعقاد کریں، جس میں تمام مذاہب کے لوگ شرکت کریں گے۔

پران پرتیشٹھا سنتوں کا کام ہے، ہمارا نہیں – ممتا

سی ایم ممتا نے پریس کانفرنس میں کہا کہ ‘پران پرتیشٹھا’ اور دیگر مذہبی پروگرام پجاریوں کا کام ہیں۔ ہمارا کام نہیں۔ یہ سنتوں کا کام ہے۔ ہمارا کام بنیادی سہولیات کو مضبوط بنانا ہے۔

 وزیر اعظم  رام مندر پران پرتیشٹھا کے چیف میزبان ہیں۔

رام مندر کے افتتاحی تقریب کی تاریخ 22 جنوری مقرر کی گئی ہے۔ رام مندر ٹرسٹ کے مطابق پران پرتیشٹھا پروگرام 22 جنوری کو دوپہر 12.20 بجے شروع ہوگا۔ اس کے لیے وزیر اعظم نریندر مودی کو میزبان بنایا گیا ہے۔ پران پرتیشٹھا سے پہلے بی جے پی اپنی تمام تیاریوں میں مصروف ہے۔ مندر کے ٹرسٹ کے مطابق، مندر کے تقدس کے لیے پی ایم مودی، آر ایس ایس کے سربراہ موہن بھگت اور گورنر اور وزیر اعلیٰ اتر پردیش کو دعوت نامے دیے گئے ہیں۔ بعض اپوزیشن لیڈروں کو بھی مدعو کیا گیا ہے ۔