A tragic road accident in Jharkhand: جھارکھنڈ میں دردناک سڑک حادثہ ، بے قابو ٹرک نے کئی لوگوں کو روند ا، 7 افراد ہلاک

نئی دہلی : جھارکھنڈ کے کھونٹی ضلع میں جمعرات کی رات ایک دردناک سڑک حادثہ پیش آیا۔ یہاں تیز رفتار 18 پہیوں والے ٹرک نے کئی لوگوں کو کچل دیا۔ اس حادثے میں 3 بچوں اور 3 خواتین سمیت 7 افراد کی موت ہو گئی، جب کہ ایک شخص زخمی ہوا ہے۔ پولیس کے مطابق ٹرک کی رفتار کافی زیادہ تھی اور وہ بے قابو ہو کر لوگوں پر چڑھ گیا۔

کرّا-تورپا مرکزی سڑک پر پیش آیا حادثہ

یہ حادثہ جمعرات کی رات کرّا-تورپا مرکزی سڑک پر پیش آیا۔ یہ علاقہ کرّا تھانہ کے دائرہ اختیار میں آتا ہے۔ حادثے کی اطلاع ملتے ہی پولیس موقع پر پہنچ گئی اور زخمی شخص کو علاج کے لیے اسپتال پہنچایا گیا۔کھونٹی کے پولیس سپرنٹنڈنٹ رشبھ گرگ نے بتایا کہ تیز رفتار ٹرک نے کئی لوگوں کو کچل دیا، جس کے نتیجے میں 7 افراد کی جان چلی گئی، جبکہ ایک شخص زخمی ہے۔ پولیس حادثے سے متعلق مزید معلومات جمع کر رہی ہے۔

#WATCH | Khunti, Jharkhand: Visuals from the spot after seven people died and one sustained injuries in a tragic road accident in the Karra police station area of Khunti district. An overspeeding truck ran over several people who had gathered at the spot following an accident involving a scooty rider.

— ANI (@ANI) November 6, 2026

6 افراد کی موقع پر ہی موت، ایک نے اسپتال میں توڑا دم

پولیس سپرنٹنڈنٹ نے میڈیا سے گفتگو کرتے ہوئے بتایا کہ حادثہ اتنا شدید تھا کہ 6 افراد کی موقع پر ہی موت ہو گئی۔ ایک دیگر زخمی شخص نے اسپتال میں علاج کے دوران دم توڑ دیا۔ اس طرح مرنے والوں کی تعداد بڑھ کر 7 ہو گئی۔مہلوکین میں 3 خواتین، 3 بچے اور ایک مرد شامل ہیں۔ حادثے میں زخمی شخص کا اسپتال میں علاج جاری ہے۔ پولیس کے مطابق ٹرک کی تیز رفتار اور بے قابو ہونے کے باعث یہ حادثہ پیش آیا۔

Khunti, Jharkhand: Seven people died and one sustained injuries in a tragic road accident in the Karra police station area of Khunti district. An overspeeding truck ran over several people who had gathered at the spot following an accident involving a scooty rider: SP, Khunti

— ANI (@ANI) November 5, 2026

علاقے میں مچی افراتفری

 حادثے میں 7 افراد کی موت سے پورے علاقے میں افراتفری مچ گئی۔ 3 بچوں کی موت نے اس حادثے کو مزید دردناک بنا دیا ہے۔ پولیس حادثے سے جڑے تمام پہلوؤں کی جانچ کر رہی ہے۔ فی الحال پولیس سپرنٹنڈنٹ نے حادثے میں 7 افراد کی موت اور ایک شخص کے زخمی ہونے کی تصدیق کی ہے۔

بھارت ایکسپریس اردو