Lok Sabha Electioln 2024: مہاراشٹر کی چھ سیٹوں پر ‘دوستانہ مقابلہ’ کرے گی کانگریس، سنجے راوت نے کہا- ایسا کرنے سے بی جے پی کو ہوگا فائدہ

ممبئی: کانگریس کی مہاراشٹر یونٹ کے لیڈر نسیم خان نے جمعہ کے روز کہا کہ شیوسینا (یو بی ٹی) کے امیدواروں کے یکطرفہ اعلان نے ان کی پارٹی کے کارکنوں کو ناراض کیا ہے اور اس وجہ سے ریاستی یونٹ چھ لوک سبھا حلقوں میں ‘دوستانہ’ مقابلہ کرنا چاہتی ہے۔ اپوزیشن مہا وکاس اگھاڑی (MVA) میں کانگریس، ادھو ٹھاکرے کی قیادت والی شیو سینا (UBT) اور نیشنلسٹ کانگریس پارٹی (شرد چندر پوار) شامل ہیں۔

چھ سیٹوں پر دوستانہ مقابلہ: نسیم خان

خان نے کہا، “ہم نے آج ایک میٹنگ کی اور مرکزی قیادت کو بتانے کا فیصلہ کیا کہ ہمارا چھ سیٹوں پر دوستانہ مقابلہ ہے جس میں سانگلی، ممبئی ساؤتھ سینٹرل، ممبئی نارتھ ویسٹ اور کچھ دیگر سیٹیں شامل ہیں۔ جس طرح سے شیو سینا (یو بی ٹی) نے کانگریس کی طرف سے دعویٰ کی گئی سیٹ پر اپنے امیدواروں کا اعلان کیا ہے، اس سے ہمارے پارٹی کارکن ناراض ہو گئے ہیں۔

دوستانہ مقابلہ سے بی جے پی کو مدد ملے گی: راوت

شیو سینا (یو بی ٹی) نے سانگلی، ممبئی ساؤتھ سینٹرل، ممبئی نارتھ ویسٹ سیٹوں سے اپنے امیدواروں کا اعلان کیا ہے، جب کہ این سی پی (شرد چندر پوار) بھیونڈی سے دعویٰ کر رہی ہے۔ اس بیچ، شیو سینا (یو بی ٹی) لیڈر سنجے راوت نے کہا کہ اس طرح کے مقابلے سے بھارتیہ جنتا پارٹی (بی جے پی) کو مدد ملے گی۔

سیٹ پر اب کوئی بحث نہیں ہوگی: راوت

ایم وی اے اتحادی پر طنز کرتے ہوئے انہوں نے کہا، “کانگریس ایک پختہ پارٹی ہے اور مجھے نہیں لگتا کہ یہ بی جے پی کو مدد  پہنچانے والے ‘دوستانہ مقابلہ’ کی اجازت دے گی۔” انہوں نے طنزیہ انداز میں کہا کہ اس طرح کا دوستانہ مقابلہ مہاراشٹر میں لوک سبھا کی 48 سیٹوں پر اور بہار اور اتر پردیش میں بھی ہونا چاہئے۔ راوت نے کہا کہ سیٹ پر اب کوئی بحث نہیں ہوگی۔

بھارت ایکسپریس۔