Veer Savarkar Comment Case: ویر ساورکر پر تبصرہ کے معاملے میں لکھنؤ کی عدالت نے راہل گاندھی کو کیا طلب،  اس دن عدالت میں ہوں گےحاضر

لکھنؤ: لکھنؤ کی ایک عدالت نے ویر ساورکر پر متنازعہ ریمارکس اور اشتعال انگیز تقریر کے معاملے میں کانگریس لیڈر راہل گاندھی کو طلب کیا ہے۔راہل گاندھی کو 10 جنوری 2025 کو عدالت میں حاضر ہونے کو کہا گیا ہے۔ اس دوران راہل گاندھی اپنا موقف پیش کریں گے۔

جمعرات کو لکھنؤ کے ایڈیشنل چیف جوڈیشل مجسٹریٹ سوم کی عدالت نے ویر ساورکر پر مبینہ اشتعال انگیز بیان اور متنازعہ ریمارکس کے سلسلے میں دائر شکایت کی سماعت کی۔ عدالت نے پہلی نظر میں راہل گاندھی کو تعزیرات ہند کی دفعہ 153(A) اور 505 کے تحت جرم کے لیے قصوروار پایا ہے۔ اب اس کیس کی اگلی سماعت مقررہ تاریخ پر ہوگی۔

عدالت نے یہ نوٹس ایڈوکیٹ نرپیندر پانڈے کی شکایت پر جاری کیا ہے۔ شکایت میں دعویٰ کیا گیا ہے کہ راہل گاندھی نے سماج میں نفرت پھیلانے کے ارادے سے قوم پرست ونائک دامودر ساورکر کو انگریزوں کا نوکر کہا تھا۔ ساتھ ہی یہ بھی کہا تھا کہ وہ انگریزوں سے پنشن لیتے تھے۔

بھارت ایکسپری۔