Lok Sabha Elections 2024: پی ایم مودی اور راہل گاندھی آج دہلی میں کریں گے انتخابی مہم کا آغاز، 4 لیئر سیکیورٹی، ہر کونے پر تعینات ہوں گے سیکیورٹی اہلکار

Lok Sabha Elections 2024: آج سے دہلی میں بڑے پیمانے پر سیاسی جدوجہد شروع ہوگی۔ دراصل، وزیر اعظم نریندر مودی ہفتہ کی شام (18 مئی 2024) شمال مشرقی دہلی میں 2024 کے لوک سبھا انتخابات کے لیے اپنی پہلی عوامی میٹنگ سے خطاب کریں گے۔ دوسری طرف کانگریس لیڈر راہل گاندھی بھی آج (18 مئی 2024) چاندنی چوک لوک سبھا حلقہ میں کانگریس امیدوار جے پی اگروال کے لیے مہم چلائیں گے۔

دوسری طرف، وزیر اعظم کے جلسہ عام سے پہلے، دہلی بھارتیہ جنتا پارٹی (بی جے پی) کے صدر وریندر سچدیوا، شمال مشرقی دہلی سے پارٹی کے امیدوار منوج تیواری اور دیگر رہنما جمعہ کی شام (17 مئی 2024) کو جلسہ گاہ پہنچے اور انہوں نے صورتحال کا جائزہ لیا۔

‘ تاریخی ہوگی پی ایم مودی کی یہ ریلی’

دہلی بی جے پی کے صدر وریندر سچدیوا نے کہا کہ پی ایم مودی کی ریلی تاریخی ہوگی اور کارکنوں کا جوش عوام کو نظر آئے گا۔ اس ریلی میں لوگوں کی بڑی تعداد کی شرکت متوقع ہے۔ آپ کو بتا دیں کہ دہلی کی تمام سات لوک سبھا سیٹوں پر 25 مئی کو ووٹنگ ہونی ہے۔

اشوک وہار میں راہل گاندھی کا جلسہ

دریں اثنا، دہلی کانگریس کے رہنما انل بھاردواج نے کہا کہ راہل گاندھی ہفتے کی شام 6 بجے اشوک وہار اسپورٹس کمپلیکس کے قریب رام لیلا میدان میں انڈیا بلاک کے کانگریس امیدواروں کے لیے ایک بہت بڑے جلسہ عام سے خطاب کریں گے۔

یہ بھی پڑھیں- Lok Sabha Election 2024: یوپی میں انتخابات کے درمیان ایک اور پارٹی بی جے پی میں شامل، حمایت کا کیا اعلان

حفاظت ایسی ہے کہ پرندہ بھی نہ مار پائے پر

ڈی ڈی اے گراؤنڈ میں پی ایم مودی کی ریلی کے پیش نظر سیکورٹی کے سخت انتظامات کیے گئے ہیں۔ میڈیا رپورٹس کے مطابق پی ایم مودی کی ریلی کے دوران ایس پی جی، دہلی پولیس کا سیکورٹی ونگ اور مقامی پولیس کی فور لیئر سیکورٹی موجود رہے گی۔ یہی نہیں، تقریباً 2000 پولیس اہلکار جلسہ گاہ کے اندر اور اس کے ارد گرد بھیڑ کو منظم کرنے اور ٹریفک کے نظم و نسق کو برقرار رکھنے کے لیے تعینات کیے جائیں گے۔ جلسہ گاہ اور اس کے آس پاس کے علاقوں کی اسکیننگ کی گئی ہے۔ اس کے علاوہ سنیفر ڈاگ اور بم اسکواڈ کی ٹیم ہفتہ کو ریلی سے قبل اسکیننگ کرے گی۔

-بھارت ایکسپریس