India Alliance in Ambani’s Wedding: گاندھی خاندان کو چھوڑ کر اننت رادھیکا کی شادی میں پہنچا پورا انڈیا اتحاد، جانئے پروگرام میں کس کس نے کی شرکت؟

India Alliance in Ambani’s Wedding: ملک کے معروف بزنس مین مکیش امبانی کے چھوٹے بیٹے اننت امبانی کی شادی میں ملک بھر سے مشہور شخصیات نے شرکت کی۔ شادی کی تقریب میں کئی بڑے لیڈروں نے بھی شرکت کی لیکن ان میں کئی چہرے حیران کن بھی ہیں۔ یہ وہ چہرے ہیں جنہوں نے لوک سبھا انتخابات میں امبانی خاندان پر شدید حملہ کیا تھا۔ الیکشن کے دوران مکیش امبانی پر الزامات لگانے والے کئی رہنما تھے لیکن ان کے بیٹے کی شادی کے موقع پر وہ شادی کا دعوت نامہ لے ان کے گھر کر پہنچے۔ تاہم گاندھی خاندان نے اس شادی میں شرکت نہیں کی۔

راہل گاندھی 14 جولائی کو این سی پی لیڈر شرد پوار کی دعوت پر ممبئی میں تھے، لیکن وہ امبانی خاندان میں ہونے والی شادی کی تقریب میں نہیں گئے۔ اگر راہل چاہتے تو 12 جولائی کو ہونے والی شادی میں شرکت کر سکتے تھے۔ نیوز رپورٹ کے مطابق جہاں ایک طرف گاندھی خاندان تقریب سے دوری برقرار رکھے ہوئے تھا، وہیں انڈیا کے اتحادی شراکت دار شادی کی تقریب میں بڑے جوش و خروش کے ساتھ پہنچے۔ بنگال کی وزیر اعلیٰ ممتا بنرجی نے بھی شادی میں شرکت کی۔ انہوں نے کہا کہ مکیش امبانی اور ان کی اہلیہ نے انہیں ذاتی سطح پر شادی میں شرکت کی دعوت دی تھی، اس لیے شادی کا حصہ بننا ضروری تھا۔

یہ بھی پڑھیں- Rahul vs BJP: راہل گاندھی نے ٹرمپ پر ہوئےحملے پر کیا اظہار تشویش، بی جے پی نے کہا – ‘انہوں نے وزیر اعظم مودی کے خلاف تشدد کی حوصلہ افزائی کی’

مہاراشٹرا میں اپنا عظیم مقام رکھنے والے شرد پوار بھی اننت رادھیکا کی شادی میں پہنچے۔ وہیں بہار کے سابق نائب وزیر اعلی تیجسوی یادو  اور والد لالو پرساد یادو اور ان کی اہلیہ رابڑی دیوی بھی شادی کی تقریب میں اننت رادھیکا کو آشیرواد دینے پہنچے۔ امبانی کو نریندر مودی کا دوست کہنے والے لالو پرساد یادو بہار سے نجی جیٹ میں ممبئی شادی کی تقریب میں پہنچے۔ یہی نہیں اتر پردیش کے سابق وزیر اعلیٰ اور سماج وادی پارٹی کے صدر اکھلیش یادو بھی اننت رادھیکا کی شادی کے لیے ممبئی پہنچے۔ تمام لیڈروں کی آمد کے بعد ایسا مانا جا رہا ہے جیسے یہ انڈیا الائنس کی اہم میٹنگ ہے۔

-بھارت ایکسپریس