کانگریس اراکین پارلیمنٹ نے اسپیکرسے چیمبرمیں گالی گلوچ کی… اپوزیشن پر مرکزی وزیر کرن رجیجو نے لگایا بڑا الزام، راہل گاندھی سے متعلق کہی یہ بڑی بات

نئی دہلی: پارلیمنٹ کا بجٹ اجلاس جاری ہے، لیکن مسلسل ہنگامہ آرائی ہے۔ لوک سبھا اسپیکراوم برلا کے چیمبرمیں اپوزیشن ارکان کے ہنگامہ آرائی کے بارے میں مرکزی پارلیمانی امورکے وزیرکرن رجیجونے کہا کہ کم ازکم 20 سے 25 کانگریسی اراکین پارلیمنٹ اسپیکرکے چیمبرمیں داخل ہوئے اوران کے ساتھ بدسلوکی کی۔ انہوں نے یہ بھی کہا کہ وہ راہل گاندھی کوکچھ نہیں سکھا سکتا۔ کانگریس کے سینئرلیڈروں کوانہیں سمجھانا چاہئے۔

اسپیکراوم برلا کے چیمبرمیں اپوزیشن اراکین پارلیمنٹ کی ہنگامہ آرائی پرمایوسی کا اظہارکرتے ہوئے کرن رجیجونے کہا، ”کم ازکم 20 سے 25 کانگریسی اراکین لوک سبھا اسپیکرکے چیمبر میں داخل ہوئے اوران کے ساتھ بدسلوکی کی۔ میں بھی وہاں موجود تھا۔“ انہوں نے مزید کہا، ”اسپیکربہت نرم طبیعت کے انسان ہیں، ورنہ سخت کارروائی کی جاتی۔ پرینکا گاندھی واڈرا اورکے سی وینوگوپال سمیت کانگریس کے کئی سینئرلیڈران بھی اندرموجود تھے اوروہ انہیں لڑنے پراکسا رہے تھے۔“

اسپیکراس حادثہ سے بہت مایوس: کرن رجیجو

مرکزی وزیرکرن رجیجونے مزید کہا، ”جیسا کہ میں نے کہا، اسپیکرکواس واقعہ سے بہت دکھ ہوا ہے۔ میں نے اسپیکرسے بات کی ہے۔ وہ (کانگریس اراکین پارلیمنٹ) اسپیکرکے چیمبرمیں گئے اوران کے ساتھ بدسلوکی کی، برا بھلا کہا۔ اسپیکرنے پھرایک حکم جاری کیا، جس پرعمل نہیں کیا گیا۔ پھرراہل گاندھی نے کہا کہ انہیں بولنے کے لئے کسی کی اجازت کی ضرورت نہیں ہے، کیونکہ وہ کسی کی اجازت کے بغیربات کریں گے۔“ ایوان میں اس وقت تک بات نہیں کرسکتے جب تک کہ انہیں چیئرکی اجازت نہ ملے، یہاں تک کہ وزیراعظم بھی چیئرکی اجازت کے بعد ہی بولیں گے۔

لوک سبھا میں اپوزیشن لیڈرراہل گاندھی پرتنقید کرتے ہوئے مرکزی وزیربرائے پارلیمانی امورکرن رجیجونے کہا، ”میں راہل گاندھی کوکچھ نہیں سکھا سکتا۔ مجھے سمجھ نہیں آتا کہ وہ کس دنیا میں رہتے ہیں۔ کون سا نظریہ ان کے کاموں کوچلاتا ہے؟“

ویڈیوبنانے والے والے اراکین پارلیمنٹ پربھی کارروائی

انہوں نے کانگریس کے سینئراراکین کومشورہ دیتے ہوئے کہا کہ کانگریس کے سینئراراکین کوانہیں (راہل گاندھی) سمجھانا چاہئے کہ پارلیمنٹ اس طرح سے نہیں چل سکتا۔ یہاں بچوں جیسا برتاونہیں کرنا چاہئے۔ ہمارا ملک بہت بڑا ہے اورسیکورٹی ایک اہم موضوع ہے۔ ہماری سیکورٹی کوسیاسی ہتھیارکے طورپراستعمال کرنا اورکسی کی عزت کوکم دکھانا صحیح نہیں ہے۔