Pannu threatens to blow up Ram Mandir: خالصتانی دہشت گرد پنوں نے رام مندر کو بم سے اڑانے کی دی دھمکی، تاریخ بھی بتائی

نئی دہلی: خالصتانی دہشت گرد گروپتونت سنگھ پنوں نے ایک بار پھر ہندوستان کو دھمکی دی ہے۔ اس نے ایک ویڈیو جاری کرکے ایودھیا میں تشدد بھڑکانے کا دعویٰ کیا ہے۔ اس کے ساتھ ہی یہ بھی کہا ہے کہ رام مندر کو بم سے اڑا دیں گے۔ اس نے کہا کہ ایودھیا میں 16-17 نومبر کو تشدد ہوگا۔ پنوں کا ویڈیو سامنے آنے کے بعد ایودھیا کی پولیس انتظامیہ چوکنا ہو گئی ہے۔ سیکورٹی ایجنسیاں رام مندر کمپلیکس کی گہرائی سے تلاشی لے رہی ہیں۔

اے ٹی ایس نے احاطے کا لیا جائزہ

رام مندر کی سیکورٹی سے وابستہ اہلکاروں نے مندر کے احاطے کا معائنہ کیا اور حفاظتی انتظامات کا جائزہ لیا۔ ایس پی سیکورٹی فورس رام چاری دوبے نے اے ٹی ایس اہلکاروں اور پولیس فورس کے ساتھ رام جنم بھومی کے درشن پتھ کے ساتھ پورے کمپلیکس کے سیکورٹی انتظامات کا جائزہ لیا۔

جاری کیا گیا الرٹ

معاملے کے بارے میں آئی جی پروین کمار نے کہا کہ گروپتونت سنگھ پنوں نے ایک ویڈیو جاری کیا ہے جس میں تشدد بھڑکانے کی دھمکی دی گئی ہے۔ ایودھیا میں سیکورٹی کے انتظامات مکمل طور پر سخت ہیں۔ حالانکہ، دھمکی آمیز ویڈیو منظر عام پر آنے کے بعد الرٹ جاری کر دیا گیا ہے اور احتیاط برتا جا رہا ہے۔

بھارت ایکسپریس۔