Keshav Prasad Maurya Taunt Ram Gopal Yadav: خانہ کعبہ کو یہ ملائم خاندان پسند کرتا ہے،انہیں ایودھیا اور کاشی نہیں بھاتا،رام گوپال کے متنازعہ بیان پر کیشو پرساد کا پلٹ وار

لوک سبھا انتخابات کے تیسرے مرحلے کی ووٹنگ کے دوران سماج وادی پارٹی کے جنرل سکریٹری رام گوپال یادو نے رام مندر پرایک متنازعہ  بیان دیا ہے۔ وہیں بی جے پی سماجوادی  لیڈر کے  اس بیان پر کافی حملہ آور ہے۔ پی ایم مودی اور یوگی آدتیہ ناتھ کے بعد  اب  اتر پردیش کے نائب وزیر اعلیٰ کیشو پرساد موریہ نے بھی ایس پی لیڈر رام گوپال یادو کے بیان پر تنقید کی ہے۔ ڈپٹی سی ایم کیشو پرساد موریہ نے کہا کہ یہ خاندان بار بار رام بھکتوں کی توہین کرتا ہے۔

یوپی کے ڈپٹی سی ایم  کیشو پرساد موریہ نے ایکس پر پوسٹ کیا اور لکھا – “پروفیسر رام گوپال یادو اور ان کا پورا خاندان خانہ کعبہ  کو پسندکرتا ہے، انہیں ایودھیا کاشی نہیں بھاتا۔ اسی لیے یہ خاندان بار بار بھگوان رام اور رام کے بھکتوں کی توہین کرتا ہے۔ وہیں یوپی کے سی ایم یوگی آدتیہ ناتھ نے بھی ایس پی لیڈر رام گوپال یادو کے بیان پر جوابی حملہ کیا۔ سی ایم یوگی نے کہا، “سماج وادی پارٹی عقیدے کا احترام نہیں کرتی۔ یہ وہ لوگ ہیں جو رام کے وجود سے انکار کرتے ہیں۔رام گوپال یادو کے بیان پر ہنومان گڑھی کے پجاری راجو داس نے کہا کہ رام گوپال یادو کا بیان افسوسناک ہے۔ ہم ان کے بیان کی مذمت کرتے ہیں۔ ایس پی شروع سے ہی رام کا غدار رہا ہے۔ پہلے انہوں نے رام بھکتوں پر گولی چلائی، ان کے لیے ہر سناتن کلچر بے کار ہے۔

رام گوپال یادو نے کیا کہا؟

ایس پی لیڈر رام گوپال یادو نے میڈیا سے بات کرتے ہوئے کہا تھا کہ وہ ہر روز بھگوان رام کا درشن کرتے ہیں۔ اس کے ساتھ ہی ایودھیا میں درشن کے لیے جانے کے سوال پر انہوں نے کہا کہ رام مندر کا نقشہ اور فن تعمیر ٹھیک نہیں ہے، مندر اس طرح نہیں بنتا ہے۔ وہ مندر بیکار ہے۔ جبکہ رام گوپال یادو نے کہا تھا کہ پرانے مندروں کو دیکھو، کیسے بنے ہیں۔ جنوب سے شمال تک نقشہ ٹھیک سے نہیں بنایا گیا ہے۔ مندر کو واستو کے نقطہ نظر سے ٹھیک سے نہیں بنایا گیا تھا۔

بھارت ایکسپریس۔