مسلم لیگ سے پہلی بار بنی کوئی خاتون ایم ایل اے، جانئے کون ہیں فاطمہ؟ الیکشن کے دوران سوشل میڈیا پر بنایا گیا تھا نشانہ

کیرلم کے اسمبلی الیکشن کے نتائج میں اس بار بڑا الٹ پھیردیکھنے کوملا۔ 2026 میں ہوئے الیکشن میں ریاست کی اقتدارکا تاج کانگریس کی قیادت والے یونائیٹیڈ ڈیموکریٹک فرنٹ (یوڈی ایف) کے سرسجا۔ برسراقتدارایل ڈی ایف مسلسل پانچویں باراقتدارمیں آنے کی کوشش کررہی تھی، لیکن یو ڈی ایف نے اس کی امیدوں پرپانی پھیردیا۔ اس بارریاست میں ایک تاریخی تبدیلی درج ہوئی ہے۔ الیکشن کے نتائج کے بعد ایک نام کافی سرخیوں میں ہے اوروہ نام ہے فاطمہ تھاہلیہ۔ آیئے جانتے ہیں کہ کون ہیں فاطمہ۔

فاطمہ تھاہلیہ نے پیرکے روز تاریخ رقم کرتے ہوئے انڈین یونین مسلم لیگ (آئی یوایم ایل) کی پہلی خاتون رکن اسمبلی بننے کا اعزازحاصل کیا۔ انہوں نے کوجھی کوڈ کے پیرامبرا اسمبلی حلقہ سے الیکشن لڑا تھا، جولمبے وقت سے کمیونسٹوں کا گڑھ مانا جاتا رہا ہے۔ انہوں نے 5,087  ووٹوں کے فرق سے جیت حاصل کی۔

ایل ڈی ایف کے ٹی پی رام کرشنن کو ہرایا

فاطمہ نے کوجھی کوڈ ضلع کے پیرامبرا سیٹ پربرسراقتدار لیفٹ ڈیموکریٹک فرنٹ (ایل ڈی ایف) کے کنوینرٹی پی رام کرشنن کوشکست دے کرایک الگ پہچان بنائی۔ خاص بات یہ ہے کہ یہ سیٹ 1980 سے مسلسل کمیونسٹ پارٹی آف انڈیا (مارکسسٹ) کے قبضے میں رہی تھی۔ سی پی آئی (ایم) مسلسل اس سیٹ پرجیت درج کرتی آرہی تھی، لیکن اس باراس کے قبضے سے یہ سیٹ نکل گئی۔ فاطمہ نے 81,429  ووٹ حاصل کئے، وہیں سینئرلیڈرٹی پی رام کرشنن کو 76,342  ووٹ ملے۔

وکالت سے سیاست تک کا سفر