قومی

جامعہ ملیہ اسلامیہ کے پروفیسرنوید اقبال کو ملی بڑی کامیابی، برطانیہ کے اکیڈمی ویزیٹنگ فیلوشپ 2025 سے سرفراز

نئی دہلی: پروفیسر نوید اقبال، شعبہ نفسیات، جامعہ ملیہ اسلامیہ نئی دہلی کو برطانیہ کے موقر اکیڈمی ویزیٹنگ فیلوشپ دوہزار پچیس سے سرفراز کیے گئے۔ برطانیہ کی باتھ یونیورسٹی ان کی میزبان ہوگی جہاں پروفیسر سارہ ہالی گن کے ساتھ ’سپورٹ اویل ایبل ٹو ریفیوجی چلڈرن اینڈ دیئر فیملیز ان انڈیا اینڈ دی یوکے‘ کے تحقیقی موضوع پرایک ساتھ کام کریں گے۔اس پروجیکٹ میں دونوں ملکوں میں پناہ گزیں آبادی کی صحت کو متاثر کرنے والی نفسیاتی،سماجی اورادارہ جاتی جہات پر توجہ مرکوز کرتے ہوئے امدادی نظام کے تقابلی فریم ورک کا جائزہ لیا جائے گا۔

یہ فیلوشپ پروفیسراقبال کے بین الاقوامی اعزازات واکرمات کی شان دار فہرست میں اضافہ ہے۔ اس سے قبل وہ مختلف موقرفیلوشپ سے نوازے جاچکے ہیں، جن میں جاپان سوسائٹی فار دی پروموشن آف سائنس(جے ایس پی ایس) کی جانب سے2024 میں انویٹیشنل فیلوشپ فاررسرچ ان جاپان، انڈونیشا کی ایئر لنگا یونیورسٹی کا ویزیٹنگ فیلو۔دوہزار چوبیس اور برطانیہ کی لیشئر یونیورسٹی کی گلوبل چیلنج رسرچ فنڈ (جی سی آر ایف) فیلو شپ دوہزار انیس شامل ہیں۔  یہ انعامات و اعزازت بین الاقوامی علمی اشتراکات اور انتہائی معیاری تحقیق کے تئیں ان کی متواتر کوششوں کے غماز ہیں۔

ان فیلوشپ کے علاوہ پروفیسر اقبال نے دنیا بھر کی مختلف یونیورسٹیوں میں بطور ویزیٹنگ پروفیسر بھی اپنی خدمات انجام دی ہیں ان یونیورسٹیوں میں روس کی ایس ٹی پیٹس برگ یونیورسٹی دوہزار پچیس،جاپان کی اوساکا میٹروپولیٹن یونیورسٹی 2024، پولینڈ کے وارسا میں واقع کارڈینل اسٹیفن ویزینسکی یونیورسٹی دوہزار تیئس اور کناڈا کی واٹرلو یونیورسٹی دوہزار اٹھارہ شامل ہیں۔ نیزپروفیسر اقبال کو کئی بین الاقوامی رسرچ گرانٹس بھی مل چکی ہیں جو ان کی فاضلانہ خدمات کی اہمیت کو نشان زد کرتی ہیں۔ان میں فرانس کی انٹرنیشنل فاؤنڈیشن آف ہاؤس آف ہیومن سائنسز کے ڈائریکٹر زآف ایسو سی ایٹیڈ اسٹڈیز(ڈی ای اے) پروگرام دوہزار اکیس، برطانیہ کی لیسیٹر یونیورسٹی کاجی سی آر ایف رسرچ گرانٹ دوہزار انیس،ہند جرمنی (یوجی سی۔ڈی اے اے ڈی،پی پی پی دوہزار اٹھارہ۔انیس)رسرچ پروجیکٹ اور ہند کناڈا شاستری رسرچ گرانٹ (ایس آر جی۔دوہزار سترہ۔اٹھارہ) شامل ہیں۔

مزید برآں پروفیسرنوید اقبال بین الاقوامی پروفیشنل گروپ کے معزز رکن بھی ہیں جس نے بچوں کے ساتھ ناروا سلوک 2022  کے موضوع پریونیسکوچیئرقائم کرنے کے سلسلے میں اہم رول اداکیا تھا۔ ان کی تین کتابیں (ترتیب و تدوین)زیور طبع سے آراستہ ہوچکی ہیں اور موقر قومی وبین الاقوامی رسائل وجرائد میں ایک سو پانچ سے زیادہ تحقیقی مقالات شائع ہوچکے ہیں۔

Nisar Ahmad

Recent Posts

Naturopathy Day: نیچروپیتھی ڈے کے موقع پر ملک بھر میں نشہ مکت بھارت مہم کا آغاز، 5 ہزار آروگیہ کیمپ لگانے کا اعلان

نیچروپیتھی ڈے کے موقع پر INO-سوریا فاؤنڈیشن نے نشہ مکت بھارت قومی مہم کا آغاز…

17 minutes ago

Adani Energy Solutions Bihar Project: اڈانی انرجی سولیوشنز نے بہار میں ٹرانسمیشن پروجیکٹ حاصل کیا، 2400 میگاواٹ بجلی کی ترسیل کا ہوگا انتظام

پیرپینتی میں اڈانی پاور کے زیر تعمیر الٹرا سپر کریٹیکل تھرمل پاور پلانٹ سے بجلی…

18 minutes ago

Impact of ‘Akwan’ in West Bengal: مغربی بنگال میں سمندری طوفان ’اکوان‘ کا اثر، کولکاتا سمیت کئی اضلاع میں بارش

تازہ معلومات کے مطابق، ’اکوان‘ 12 کلومیٹر فی گھنٹہ کی رفتار سے شمال کی جانب…

29 minutes ago

IND vs NZ 1st Test: ویلنگٹن ٹیسٹ میں امپائرنگ پر تنازع، گلین فلپس کے فیصلے پر کپتان شبھمن گل ناراض

پہلے ٹیسٹ کے ابتدائی دن گلین فلپس کے خلاف ڈی آر ایس فیصلے پر تنازع…

43 minutes ago

Ashok Chaudhary Clarification: اشوک چودھری نے آر جے ڈی کے الزامات پر دی صفائی، کہا: نہ چھٹی منظور ہوئی ہے اور نہ ہی مسترد

بدھ کو آر جے ڈی کے رکن پارلیمنٹ اور قومی ترجمان منوج جھا نے پٹنہ…

1 hour ago