Jio BlackRock Asset Management نے ایگزیکٹو لیڈرشپ ٹیم کا اعلان کیا، ویب سائٹ تک خصوصی ابتدائی رسائی کی پیش کش

جیو فائنانشل اور نیویارک اسٹاک ایکسچینج میں درج بلیک راک کے درمیان 50:50 شراکت داری پر قائم جیو بلیک راک اسیٹ منیجمنٹ (Jio BlackRock Asset Management)نے 9 جون کو اپنی ایگزیکٹو قیادت کی ٹیم کے تقرر اور نئی ویب سائٹ کے اجراء کا اعلان کیا ہے۔ کمپنی نے صارفین کو ویب سائٹ تک قبل از قبل خصوصی رسائی کی پیش کش بھی کی ہے۔

اس اقدام کے تحت جیو بلیک راک صارفین کو دعوت دے رہا ہے کہ وہ اپنی دلچسپی کا اندراج کریں تاکہ وہ کمپنی کی ڈیجیٹل فرسٹ سرمایہ کاری سروس کا تجربہ حاصل کر سکیں، جس میں تعلیمی مواد بھی شامل ہوگا۔ کمپنی کے بیان کے مطابق رجسٹریشن مکمل کرنے کے بعد صارفین سرمایہ کاری کی بنیادی معلومات تک رسائی حاصل کر سکتے ہیں۔ اس کے علاوہ دیگر فیچرز بھی دستیاب ہوں گے، جو سروس کے باقاعدہ آغاز کے بعد سرمایہ کاری کے عمل میں معاون ثابت ہوں گے۔

جیو بلیک راک اسیٹ منیجمنٹ کے منیجنگ ڈائریکٹر اور سی ای او سدھارتھ سوامی ناتھن نے کہا کہ ّّیہ جیو بلیک راک اسیٹ منیجمنٹ کے لیے ایک اہم سنگِ میل ہے۔ ہماری ٹیم ایسے جدید مالیاتی مصنوعات پر کام کر رہی ہے جو مسابقتی اور شفاف قیمتوں پر دستیاب ہوں گی۔ آنے والے مہینوں میں ہم مختلف سرمایہ کاری مصنوعات متعارف کرانے کا ارادہ رکھتے ہیں، جن میں ڈیٹا پر مبنی سرمایہ کاری کے حوالے سے بلیک راک کی عالمی مہارت بھی شامل ہوگی۔‘‘

بھارت ایکسپریس اردو