نیتا مکیش امبانی کلچرل سینٹر (این ایم اے سی سی) ستمبر میں نیویارک شہر میں تین روزہ ثقافتی پروگرام کی میزبانی کرے گا، جو ہندوستان کے شاندار ورثے کو منانے کے لیے وقف ہے۔ ریلائنس فاؤنڈیشن کی چیئرپرسن نیتا امبانی کی قیادت میں یہ تقریب 12 سے 14 ستمبر تک نیویارک شہر کے لنکن سینٹر میں منعقد ہوگی۔
اس پروگرام کے دوران نیتا مکیش امبانی کلچرل سینٹر ویک اینڈ ہندوستانی فنکاروں اور فنکاروں کو عالمی سطح پر پیش کرے گا۔ واضح رہے کہ نیتا مکیش امبانی کلچرل سینٹر کی بنیاد نیتا امبانی نے 2023 میں رکھی تھی۔ اس کا کا افتتاح ایک میگا ایونٹ کے ساتھ کیا گیا تھا جس میں دنیا بھر سے مشہور شخصیات نے شرکت کی تھی۔
ہم اس پروگرام میں ہندوستان کی روح پیش کریں گے: نیتا امبانی
دریں اثنا نیویارک میں ہونے والی اس تقریب کے حوالے سے ایک اہم پیغام شیئر کرتے ہوئے نیتا امبانی نے کہا ہے کہ ’’یہ تقریب صرف ایک ویک اینڈ پروگرام نہیں ہے، بلکہ یہ ہندوستان کی ثقافت اور تہذیب اور اس کے فن کو دنیا کو سامنے پیش کرنے کی تقریب ہے۔‘‘ انھوں نے اپنے ویڈیو پیغام میں مزید کہا کہ ’’ہم ہندوستان کی بہترین فن کاری اور فن پاروں کو دنیا کے سامنے پیش کریں گے۔‘‘
نیتا امبانی نے کہا کہ ’’ہم وہاں ہندوستان کی روح کو پیش کریں گے۔ اپنی تہذیب، اپنے فن اور اپنے کرافٹس، اپنے رقص اور نغمے، اپنے فیشن اور خاص کر اپنے کھانوں کو دنیا کے سامنے پیش کریں گے۔‘‘ انھوں نے مزید کہا کہ ’’بیرون ملک یہ ہمارا پہلا پروگرام ہے اور اس کے لیے نیو یارک سے بہتر اور کوئی جگہ نہیں ہو سکتی تھی۔ میں آپ سب کو اس ناقابل فراموش پروگرام میں شرکت کے لیے دل کی گہرائیوں سے مدعو کرتی ہوں۔ میں ہندوستان کی بہترین تہذیب اور ثقافت کو آپ کے ساتھ شیئر کرنے کے لیے بے تاب ہوں۔‘‘
بھارت ایکسپریس اردو
بحرین کی وزارت خارجہ نے اتوار کو ایران کے مسلسل فضائی حملوں کی مذمت کی۔…
جمعہ کو روس کے ایک سینئر سفارت کار نے کہا کہ یوکرین کو سکیورٹی ضمانتیں…
قدرتی کھیتی کا خصوصی ذکر کرتے ہوئے وزیر اعظم مودی نے کہا کہ گجرات کی…
کشی نگر مہوتسو 2026 کے شاندار اسٹیج پر بھارت ایکسپریس نیوز نیٹ ورک کے سی…
وزیر اعظم مودی نے بی جے پی کا کارکن ہونے کو ایک ’خوش قسمتی‘ قرار…
اتر پردیش میں سماج وادی پارٹی کے بانی ملائم سنگھ یادو کی یوم پیدائش کے…