قومی

Jiah Khan Suicide Case: جیا خان خودکشی معاملے میں سی بی آئی کورٹ نے سنایا فیصلہ، سورج پنچولی کو بری کردیا گیا

Jiah Khan Suicide Case: بالی ووڈ اداکارہ جیا خان ممبئی میں اپنے گھر پر 3 جون 2013 کو مردہ پائی گئی تھی۔ اداکارہ کی خودکشی معاملے میں سی بی آئی کی اسپیشل کورٹ نے آج تقریباً 10 سال بعد فیصلہ سنا دیا ہے۔ اس معاملے میں اداکار سورج پنچولی جیا خان کو خودکشی کے لئے اکسانے کے ملزم تھے۔ وہیں کورٹ نے آج اپنا فیصلہ سناتے ہوئے کہا، سورچ پنچولی کو بری کردیا ہے۔

جیا خان کی ماں رابعہ نے فیصلے سے پہلے عدالت میں داخل کی تھی عرضی

وہیں عدالت کا فیصلہ سنائے جانے سے پہلے جیا خان کی ماں رابعہ نے آج اپنے وکیل کے ذریعہ عرضی بھی داخل کی تھی۔ حالانکہ عدالت نے رابعہ خان کی عرضی پر غور نہیں کیا اور فیصلہ سناتے ہوئے سورج پنچولی کو جیا خان کو خودکشی کے لئے اکسانے کے الزامات سے بری کردیا۔ واضح رہے کہ اس معاملے کی جانچ پہلے ممبئی پولیس کر رہی تھی اور اس کے بعد مرحوم اداکارہ کی ماں رابعہ خان کی عرضی پر عدالت نے اسے سی بی آئی کو ٹرانسفر کردیا تھا۔

جیا خان نے کئی فلموں میں کیا تھا کام

جیا خان نے سال 2007 میں امیتابھ بچن کے ساتھ ’نیشبد‘ سے اپنے فلمی کیریئر کی شروعات کی تھی۔ بالی ووڈ میں ڈیبیو کرنے کے دوران جیا خان محض 21 سال کی تھیں۔ رام گوپال ورما کی اس فلم میں جیا خان اورامیتابھ کے درمیان رومانٹک رشتہ دکھایا گیا تھا۔ جیاخان کی اداکاری کی کافی تعریف ہوئی تھی۔ اس کے بعد جیا خان عامرخان کے ساتھ سال 2008کی بلاک بسٹر فلم ’غزنی‘ میں نظرآئی تھیں۔ عامرخان اوراسن اسٹارراس فلم میں جیا خان ایک میڈیکل اسٹوڈنٹ کے رول میں تھی۔ اس کے بعد 2010 میں جیا خان نے اپنی تیسری اور آخری فلم ’ہاؤس فل‘ کی تھی۔ اس فلم میں بھی جیا خان نے اکشے کمار جیسے بڑے اسٹارس کے ساتھ اسکرین شیئر کی تھی اور یہ فلم بھی ہٹ رہی تھی۔

  -بھارت ایکسپریس

Nisar Ahmad

Recent Posts

یوگی کے گڑھ گورکھپور میں اکھلیش یادو کابڑا سیاسی شو، 20 کلومیٹر روڈ شو میں امڑی بھیڑ، بی جے پی کے صفائے کا دعویٰ

سماجوادی پارٹی کے سربراہ اکھلیش یادو بدھ کے روز اپنے پی ڈی اے رتھ کے…

8 hours ago

Social Justice Summit: سشما سوراج بھون میں سجے گا سماجی انصاف کا عظیم الشان پلیٹ فارم، وزیر اعظم مودی اختتامی اجلاس سے کریں گے خطاب

19 نومبر کو نئی دہلی میں منعقدہ دو روزہ محکمہ جاتی کانفرنس کے اختتامی اجلاس…

9 hours ago

PM Modi Meets Prince William and Kate: وزیر اعظم نریندر مودی کی پرنس ولیم اور شہزادی کیٹ سے ملاقات، ’ارتھ شاٹ پرائز‘ کی کوششوں کو سراہا

وزیر اعظم نے ماحولیاتی مسائل کے حل کے لیے نئی اختراعات اور ہندوستانی صلاحیتوں کو…

9 hours ago

Ukraine Crisis: کیا یوکرین جنگ ختم ہوگی؟ الاسکا میں ناکام مذاکرات کے بعد کل ٹرمپ اور پوتن کی اہم ملاقات

چین میں ٹرمپ، شی جن پنگ اور ولادیمیر پوتن کی پہلی سہ فریقی ملاقات، یوکرین…

9 hours ago