Gopal Mandal On Lalu Yadav: نتیش کمار کے ایم ایل اے نے آر جے ڈی سربراہ پر سادھا نشانہ، کہا۔ لالو یادو دماغی توازن کھو بیٹھے ہیں، ان کے کہنے سے راہل گاندھی نہیں بنیں گے پی ایم

Gopal Mandal On Lalu Yadav: راہل گاندھی اور لالو کی مٹن پارٹی کے بعد نتیش کمار کی پارٹی جے ڈی یو کے ایم ایل اے گوپال منڈل نے آر جے ڈی چیف کو نشانہ بنایا ہے۔ جے ڈی یو ایم ایل اے نے کہا کہ لالو پرساد یادو دماغی توازن کھو بیٹھے ہیں۔ منڈل نے یہ بھی کہا کہ راہل گاندھی وزیر اعظم نہیں بنیں گے۔ اتوار (3 ستمبر) کے روز گوپال منڈل نے کہا کہ کوئی بھی کسی کے کہنے پر وزیر اعظم نہیں بنے گا۔ لالو یادو ہمارے پرانے لیڈر ہیں۔ وہ پسماندہ طبقوں کے مسیحیٰ ہیں۔ ہم نے ان کی قیادت میں الیکشن لڑا ہے۔ لیکن اب ان کی عمر ہو گئی ہے، کڈنی ٹرانس پلانٹ ہوا ہے۔ ان کا دماغ تھوڑا سٹھیا گیا ہے۔

لالو یادو کو ریٹائرمنٹ کا مشورہ

گوپال منڈل نے کہا کہ وہ یہ نہیں کہہ رہے ہیں کہ راہل گاندھی اہل نہیں ہیں۔ ان کا پورا خاندان وزیر اعظم بنتا رہا ہے لیکن لالو یادو کے کہنے سے راہل گاندھی وزیر اعظم نہیں بنیں گے۔ نیوز ایجنسی اے این آئی نے جے ڈی یو ایم ایل اے کے بیان کا ویڈیو جاری کیا ہے۔ گوپال منڈل نے اشاروں اشاروں میں لالو یادو کو سیاست سے دور رہنے کا مشورہ بھی دے ڈالا۔ انہوں نے کہا کہ بڑھاپے میں آدمی کا دماغ غیر مستحکم ہو جاتا ہے۔ آپ دیکھیے نہ، اٹل جی کو گم (سیاست سے دور) کر دیا گیا تھا۔

 

نتیش کو پی ایم میٹریل

جے ڈی یو ایم ایل اے نے نتیش کمار کو پی ایم میٹریل قرار دیا اور کہا، نتیش کمار نے پورے ہندوستان کے لوگوں کو منظم کیا۔ انہوں نے محنت کی ہے۔ ملک بھر کی تمام علاقائی جماعتوں سے بی جے پی اور مودی کے خلاف متحد ہو کر کام کرنے کی اپیل کی ہے۔ ملک میں ہر کوئی نتیش کمار کو لیڈر مانتا ہے۔ انہوں نے کہا کہ ملک کی عوام راہل گاندھی کو وزیر اعظم کے طور پر تسلیم نہیں کرے گی۔

بتا دیں کہ ایک دن پہلے ہی راہل گاندھی اور لالو یادو کی مٹن پارٹی کی ویڈیو سامنے آئی تھی۔ جس میں راہل گاندھی نے لالو سے بہاری مٹن بنانے کے طریقے سیکھے۔ گوپال منڈل نے اس پر بھی طنز کرتے ہوئے کہا کہ لوگ آج کل راجستھانی مٹن سیکھ رہے ہیں تو بہاری مٹن کیا ہے۔

بھارت ایکسپریس۔