Kailash Mahto shot dead: جے ڈی یو لیڈر کیلاش مہتو پر اندھادھن فائرنگ

Kailash Mahto shot dead: بہار میں ایک بار پھر خونی کھیل دیکھنے میں ملا ہے۔ جنتا دل یونائیٹڈ (جے ڈی یو) لیڈر کیلاش مہتو کا جمعرات کو کٹیہار میں گولی مار کر قتل کر دیا گیا۔ پولیس نے اس کی تصدیق کی ہے۔ شرپسندوں نے اس واقعہ کو کٹیہار ضلع کے براری پولیس اسٹیشن سے صرف ڈیڑھ کلومیٹر دور پوکھریا ٹول کے قریب انجام دیا ہے۔ فائرنگ کے بعد شرپسند ہوائی فائرنگ کرتے ہوئے فرار ہوگئے۔

کیلاش مہتو کو علاج کے لیے اسپتال لے جایا گیا، ڈاکٹروں نے کہا کہ وہ فوت ہوچکے ہیں۔ کیلاش مہتو کی عمر 70 سال تھی، ان کے پیٹ اور سر میں گولی ماری گئی تھی۔

گولی مار کر قتل کر دیا گیا

اے این آئی سے بات کرتے ہوئے، کٹیہار ضلع کے ایس ڈی پی او اوم پرکاش نے کہا، “ہم نے تفتیش شروع کر دی ہے اور جلد ہی ملزم کو گرفتار کر لیا جائے گا۔ تقریباً 4-5 راؤنڈ فائرنگ کی گئی۔ پوسٹ مارٹم کے بعد ہی مزید معلومات دی جا سکیں گی۔ ذرائع کے مطابق رہنما کو زمین کے تنازع پر فائرنگ کرکے قتل کیا گیا۔ کیلاش مہتو نے چند روز قبل انتظامیہ سے سیکیورٹی کی درخواست کی گئی تھی۔ جمعرات کواس واقعہ کو انجام دیا گیا۔

واقعہ کی اطلاع ملتے ہی پولیس موقع پر پہنچ گئی۔

واقعہ کی اطلاع ملتے ہی پولیس موقع پر پہنچ گئی اور معاملے کی جانچ شروع کردی۔ پولیس نے لاش کو تحویل میں لے کر پوسٹ مارٹم کے لیے بھیج دیا۔ پولیس نے مزید کارروائی شروع کر دی ہے۔ شرپسندوں کی گرفتاری کے لیے چھاپے مارنے شروع کر دیے گئے ہیں۔ اس واقعے کے بعد متوفی کے لواحقین کا رو رو کر برا حال ہے۔