Jammu Kashmir Assembly News: جموں وکشمیراسمبلی میں عام آدمی پارٹی کے ایم ایل اے مہراج ملک نے بی جے پی اراکین اسمبلی پرلگایا مارپیٹ کے الزام، کیا ہے دعویٰ

AAP MLA Mehraaj Malik News: جموں وکشمیر اسمبلی میں بدھ (9 اپریل) کو بھی وقف قانون سے متعلق ہنگامہ جاری رہا۔ اس درمیان عام آدمی پارٹی کے اکلوتے واحد رکن اسمبلی مہراج ملک نے بی جے پی اراکین اسمبلی پر اسمبلی میں مارپیٹ کا الزام لگایا۔  مہراج ملک نے دعویٰ کیا کہ ان کی بحث پیپلزڈیوکریٹک پارٹی (پی ڈی پی) کے اراکین اسمبلی سے سابق وزیراعلیٰ مفتی محمد سعید سے متعلق ہوئی تھی۔ مہراج ملک نے کہا کہ پی ڈی پی کے اراکین اسمبلی کی حمایت میں بی جے پی کے اراکین آئے اور ان کے ساتھ مارپیٹ کی۔

اسمبلی میں بحث کا ویڈیو بھی سامنے آیا ہے، جس میں مہراج ملک اورپی ڈی پی کے رکن اسمبلی وحید پارا کے درمیان تلخ بحث ہو رہی ہے۔ مہراج ملک کہہ رہے ہیں کہ تم نے (وحید پارا) قوم کے ساتھ غداری کی ہے۔ ان کولگتا ہے کہ مہراج ڈرے گا، ارے ایک کو بھی نہیں چھوڑوں گا۔

انہوں نے کہا کہ وہ ایوان میں پہلی بارکرتا پاجامہ پہن کرشریف بن کرآئے تھے اورآج بی جے پی کے اراکین اسمبلی نے غنڈہ گردی کی۔ آپ کو بتا دیں کہ مہراج پہلی بار ڈوڈا سیٹ سے رکن اسمبلی منتخب ہوئے ہیں اور وہ جموں وکشمیر میں عام آدمی پارٹی کے واحد رکن اسمبلی ہیں۔

مہراج ملک نے پولیس پرالزام لگاتے ہوئے کہا، ”میں رکن اسمبلی ہوں۔ اگرمافیا اندرہے تو باہرکیا حالت ہوگی۔ مذاق بند کرو۔ ایوان کے اندر ہنگامہ ہو رہا ہے اورایس ایس پی ایسے بات کرے گا۔ میں لیڈرہوں تو بولوں گا۔ میرے خلاف ایسے بات کرے گا۔ مجھ پرحملہ ہوا اورآپ کہہ رہے ہوکہ یہاں کیوں آئے ہو۔ ارے شرم کرو، آپ ان کے اراکین کو حمایت دے رہے ہو۔ پولیس ملی ہوئی ہے۔”

بی جے پی کے اراکین اسمبلی نے کیا کہا؟

وہیں، بی جے پی کے اراکین وکرم رندھاوا نے کہا کہ اس نے ہندوؤں کو گالی دی ہے۔ دو ٹکے کا انسان، ایم ایل اے بن کرآیا ہے تو کچھ بھی کہے گا؟ انہوں نے ہندوؤں کو گالی دی ہے۔ اس نے کہا ہے کہ ہندو تلک لگاکرپاپ (گناہ) کرسکتا ہے۔ ہندو تلک لگاکر چوریاں کرسکتا ہے۔ اس کو آج بتائیں گے۔

بھارت ایکسپریس اردو-