قومی

Jaipur SMS Hospital Fire Tragedy, 8 Dead : جے پور ایس ایم ایس اسپتال میں خوفناک آتشزدگی سے 8 لوگوں کی موت، پی ایم مودی نے کیا اظہار افسوس

راجستھان کے دارالحکومت جے پور کے سوائی مان سنگھ اسپتال میں اس وقت خوف و ہراس پھیل گیا جب ٹراما سینٹر کے آئی سی یو وارڈ میں اچانک آگ بھڑک اٹھی۔ آگ لگنے کی وجہ شارٹ سرکٹ بتائی جا رہی ہے۔ حادثے میں آٹھ افراد ہلاک ہو گئے۔ جے پور کے اسپتال میں پیش آنے والے اس سانحہ نے لوگوں کو چونکا دیا ہے۔ پی ایم مودی اور ریاست کے وزیر اعلی بھجن لال شرما نے اس واقعہ پر افسوس کا اظہار کیا ہے۔

پی ایم مودی نے جے پور واقعہ پر کیا غم کا اظہار

وزیر اعظم کے دفتر سے جاری ایک بیان کے مطابق، وزیر اعظم نریندر مودی نے کہا کہ جے پور کے ایک اسپتال میں آگ لگنے سے جان و مال کا نقصان بہت افسوسناک ہے۔ انہوں نے مزید کہا، “جن لوگوں نے اپنے پیاروں کو کھو دیا ہے ان سے میری تعزیت ہے۔ میں زخمیوں کی جلد صحت یابی کی دعا کرتا ہوں۔“

وزیر اعلیٰ بھجن لال شرما نے بھی کیا غم کا اظہار

راجستھان کے وزیر اعلیٰ بھجن لال شرما نے سوشل میڈیا پلیٹ فارم ایکس پر لکھا کہ جے پور کے سوائی مان سنگھ اسپتال کے ٹراما سینٹر میں آگ انتہائی افسوسناک ہے۔ انہوں نے اسپتال کا دورہ کیا، ڈاکٹروں اور اہلکاروں کے ساتھ صورتحال کا جائزہ لیا اور انہیں فوری امدادی کارروائیوں کو یقینی بنانے کی ہدایت کی۔ متاثرہ افراد کی حفاظت، علاج اور دیکھ بھال کو یقینی بنانے کے لیے ہر ممکن اقدام کیا جا رہا ہے اور صورتحال پر مسلسل نظر رکھی جا رہی ہے۔ ریاستی حکومت متاثرہ خاندانوں کے ساتھ کھڑی ہے اور انہیں ہر ممکن مدد فراہم کرنے کے لیے پرعزم ہے۔

لوک سبھا کے اسپیکر اوم برلا نے بھی اس سانحہ پر گہرے دکھ کا اظہار کیا۔ انہوں نے اپنے پوسٹ میں لکھا کہ، “جے پور کے سوائی مان سنگھ اسپتال کے ٹراما سینٹر کے آئی سی یو وارڈ میں آگ کی وجہ سے بہت سارے مریضوں کا نقصان دل دہلا دینے والا ہے۔ میں متاثرین کے اہل خانہ سے اپنی گہری تعزیت کا اظہار کرتا ہوں۔ میں زخمیوں کی جلد صحت یابی کے لئے دعا کرتا ہوں۔“

سابق سی ایم گہلوت نے کیا کہا؟

راجستھان کے سابق وزیر اعلیٰ اور کانگریس لیڈر اشوک گہلوت نے لکھا، “ایس ایم ایس اسپتال ٹراما سینٹر کے آئی سی یو میں آگ لگنے سے بہت سی جانوں کا ضیاع گہرا افسوسناک ہے۔ میں خدا سے دعا کرتا ہوں کہ اس حادثے میں کم سے کم جانی نقصان ہو۔ خداوند مرحوم کی روح کو سکون دے اور زخمیوں کو جلد صحت یاب کرے۔” اشوک گہلوت نے ریاستی حکومت پر بھی زور دیا کہ وہ اس واقعہ کی اعلیٰ سطحی تحقیقات کرائے تاکہ اس بات کو یقینی بنایا جا سکے کہ مستقبل میں ایسے واقعات دوبارہ رونما نہ ہوں۔

گجیندر سنگھ شیخاوت نے لکھا پوسٹ

مرکزی وزیر گجیندر سنگھ شیخاوت نے پوسٹ میں لکھا، “جے پور کے سوائی مان سنگھ اسپتال میں لگی آگ انتہائی افسوسناک ہے۔ اس حادثے میں ہونے والی بے وقت موت کی خبر دل دہلا دینے والی ہے۔ خدا مرحوم کی روحوں کو سکون دے اور خاندانوں کو یہ ناقابل برداشت نقصان برداشت کرنے کی طاقت دے، راحت اور بچاؤ کارروائیاں جاری ہیں، ضلع انتظامیہ فوری طور پر زخمیوں کو ہر ممکن مدد فراہم کر رہی ہے۔ میں تمام زخمیوں کی جلد صحت یابی کی خواہش کرتا ہوں۔“

–بھارت ایکسپریس

Nisar Ahmad

Recent Posts

National Press Day: آزادیٔ اظہار کے ساتھ ذمہ داری بھی ضروری، صحافی تکنیکی تبدیلیوں کو اپنائیں: اشونی ویشنو

مرکزی وزیر اطلاعات و نشریات اشونی ویشنو نے جمہوریت کو مضبوط بنانے میں میڈیا کے…

2 hours ago

Adani Green Energy On Tarali Project: تارالی پمپ اسٹوریج پروجیکٹ پر اڈانی گرین انرجی نے واضح کی صورت حال، بتایا کب ملی کون سی منظوری

اڈانی گرین انرجی لمیٹڈ نے کہا ہے کہ تارالی پمپ اسٹوریج پروجیکٹ میں نہ تو…

2 hours ago

8th Pay Commission: کیا ریٹائرڈ ملازمین کو بھی ملے گا بقایا جات کا فائدہ؟ پنشنروں نے وزیر اعظم مودی کو خط لکھ کر کیا مطالبہ

آٹھویں پے کمیشن کے تحت یکم جنوری 2026 سے پہلے ریٹائر ہونے والے پنشنروں اور…

3 hours ago