استعفیٰ کے 40 دن بعد جگدیپ دھنکھڑ نے خالی کردی سرکاری رہائش گاہ، اب یہ ہوگا سابق نائب صدر کا ٹھکانہ

شہری ترقیات کی وزارت کے تحت ڈائرکٹرآف اسٹیٹ نے سابق نائب صدرکے لیے 34 اے پی جے عبدالکلام مارگ پرواقع ٹائپ -8 بنگلہ بھی خالی کرا لیا ہے۔ اسے ان کے لئے الاٹ کردیا گیا ہے، لیکن اسے تیارہونے میں تقریباً 3 ماہ لگیں گے۔ جب تک یہ بنگلہ تیارنہیں ہوتا، جگدیپ دھنکھڑچھترپورمیں چوٹالہ کے فارم ہاؤس میں قیام کریں گے۔ واضح رہے کہ جگدیپ دھنکھڑنے 21 جولائی کونائب صدرکے عہدے سے غیرمتوقع طورپراستعفیٰ دے دیا۔ انہوں نے استعفیٰ کی وجہ صحت کی وجوہات بتائی۔ دھنکھڑاستعفیٰ دینے کے بعد بھی نائب صدرانکلیو میں رہ رہے تھے۔ قواعد کے مطابق، استعفیٰ دینے کے بعد وہ تقریباً 15 ماہ تک یہاں رہ سکتے تھے، لیکن انہوں نے استعفیٰ دینے کے 40 دن بعد یہ بنگلہ خالی کردیا۔

ٹائپ-8 بنگلہ یا آبائی مقام پر2 ایکڑزمین

اپنے استعفیٰ کے بعد، جگدیپ دھنکھڑنے ابھی تک مرکزی وزارت برائے شہری ترقیات سے نئے بنگلے کے حوالے سے رابطہ نہیں کیا گیا ہے۔ حالانکہ وزارت نے پہلے ہی ان کے لیے ایک علیحدہ بنگلے کا انتظام کررکھا ہے۔ گزشتہ ماہ اگست میں وزارت نے 34 اے پی جے عبدالکلام مارگ پرواقع ٹائپ-8 بنگلہ خالی کرالیا تھا۔ اس کے بعد وزارت کی طرف سے کہا گیا کہ اگرسابق نائب صدرجگدیپ دھنکھڑکو یہ بنگلہ پسند نہیں ہے تووزارت برائے شہری ترقیات ان کے لئے ایک اورآپشن کا بندوبست کرسکتی ہے۔ ضوابط کے مطابق، نائب صدرکے عہدے سے استعفیٰ دینے والے لیڈرکوراجدھانی دہلی کے لٹینس زون میں ٹائپ-8 بنگلہ یا ان کے آبائی مقام پر2 ایکڑ زمین دی جاتی ہے۔

9 ستمبرکوملے گا ملک کونیا نائب صدر

جگدیپ دھنکھڑ گزشتہ سال اپریل میں ہی نوتعمیرشدہ انکلیومیں شفٹ ہوئے تھے اورپارلیمنٹ بلڈنگ کے پاس چرچ روڈ پرواقع ہے۔ وائس پریسیڈنٹ انکلیوکوسینٹرل وسٹا پروجیکٹ کے تحت بنایا گیا ہے۔ نائب صدرکے عہدے سے جگدیپ دھنکھڑ کے اچانک استعفیٰ کے بعد سے ہی نائب صدر کا عہدہ خالی ہے۔ اب اس عہدے کے لئے الیکشن کمیشن نے الیکشن کی تاریخ 9 ستمبرطے کی ہے۔ ملک کے دوسرے نمبرکے اعلیٰ عہدے کے لئے مرکز میں برسراقتدار این ڈی اے کی طرف سے مہاراشٹر کے گورنر سی پی رادھا کرشنن کو میدان میں اتارا گیا جبکہ انڈیا الائنس کی طرف سے سابق جج بی سدرشن ریڈی کو امیدواربنایا گیا ہے۔ اس طرح سے ملک کواگلا نائب صدر 9 ستمبرکوملے گا۔