IPS Officer Shoots himself after Wife dies of Cancer: اہلیہ کی کینسر سے ہوئی موت تو آئی پی ایس افسر نے خود کو مارلی گولی

آسام کے داخلہ سکریٹری شیلادتیہ چیتیا نے منگل کے روزگوہاٹی کے ایک نجی اسپتال میں طویل علالت کی وجہ سے اپنی بیوی کی موت کے بعد مبینہ طورپرخودکشی کرلی۔ ریاست کے داخلہ سکریٹری کے طورپرتعینات ہونے سے پہلے، چیتیا نے تینسوکیا اورسونیت پورضلع کے پولیس سپرنٹنڈنٹ (ایس پی) اورآسام پولیس کی چوتھی بٹالین کے کمانڈنٹ کے طورپرکام کیا تھا۔ چیتیا کی اہلیہ برین ٹیومرمیں مبتلا تھیں اور پچھلے کچھ مہینوں سے اسپتال میں داخل تھیں۔

پولیس افسران نے بتایا کہ 2009 بیچ کے انڈین پولیس سروس (آئی پی ایس) افسرنے انتہائی نگہداشت یونٹ (آئی سی یو) کے اندرمبینہ طورپراپنے سرکاری ریوالور سے خود کوگولی مارلی، جہاں اس کی بیوی کی موت ہوگئی تھی۔ نیم کیئراسپتال کے ڈائریکٹرہتیش برووا نے کہا، “ان کی اہلیہ کا کینسرکا علاج چل رہا تھا اوران کی حالت بگڑ رہی تھی، چیتیا کواس کے بارے میں جانکاری دی گئی تھی، لیکن آج شام ان کی اہلیہ کی موت ہوگئی تھی۔”

علاج کر رہے ڈاکٹر اور نرس سے کہا کہ انہیں ان کی اہلیہ کی لاش کے ساتھ کچھ دیر کے لئے اکیلا چھوڑ دیا جائے، وہ دعا کرنا چاہتے تھے۔ اچانک انہیں گولیوں کی آوازسنائی دی اور وہ واپس آئے اور دیکھا کہ انہوں نے خود کو گولی مارلی ہے، ہم نے ان کی جان بچانے کی کوشش کی۔ تاہم انہوں نے گولی کی سنگین چوٹوں کے سبب دم توڑدیا۔

چیتیا نے آسام کے تنسکیا اورسونت پوراضلاع کے پولیس سپرنٹنڈنٹ (ایس پی) کے طورپرکام کیا۔ داخلہ سکریٹری کے طورپرتعینات ہونے سے پہلے انہوں نے آسام پولیس کی چوتھی بٹالین کے کمانڈینٹ کے طورپر بھی کام کیا۔